ಮುಂಬೈ: ಡೆಲ್ಲಿ ವಿರುದ್ಧ ಮೂರು ವಿಕೆಟ್ ಗಳ ಅಂತರದ ಗೆಲುವು ದಾಖಲಿಸಿದ ರಾಜಸ್ಥಾನ

•   Thu, Apr 15 2021 11:38:53 PM



• ಮುಂಬೈ, ಏ. 15 (DaijiworldNews/SM): ಇಲ್ಲಿನ ವಾಂಖೆಡೆ ಕ್ರಿಕೆಟ್ ಮೈದಾನದಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್ ತಂಡ ಮೂರು ವಿಕೆಟ್ ಗಳಿಂದ ಪಂದ್ಯ ಗೆದ್ದುಕೊಂಡಿದೆ.

  

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಡೆಲ್ಲಿ ಇಪ್ಪತ್ತು ಓವರ್ ಗಳಲ್ಲಿ 8 ವಿಕೆಟ್ ಗಳ ನಷ್ಟಕ್ಕೆ 147 ರನ್ ಗಳಿಸಿತು. ಡೆಲ್ಲಿ ಪರ ಪಂತ್ 51 ರನ್ ಸಿಡಿಸಿದರು. ಉಳಿದಂತೆ ಲಲಿತ್ ಯಾದವ್ 20, ಟೋಮ್ ಕರನ್ 21, ವೋಕ್ಸ್ 15 ರನ್ ಗಳಿಸಿದರೆ, ಬೇರಾವುದೇ ಆಟಗಾರನಿಂದ ನಿರೀಕ್ಷಿತ ಪ್ರದರ್ಶನ ಕಂಡು ಬರಲಿಲ್ಲ. ಇನ್ನು ರಾಜಸ್ಥಾನ ಪರ ಉನದ್ಕಟ್ 3, ಮುಸ್ತಾಫ್ಜ್ 2 ವಿಕೆಟ್ ಪಡೆದರು.

  ಇನ್ನು ಗುರಿ ಬೆನ್ನಟ್ಟಿದ ರಾಜಸ್ಥಾನ ರಾಯಲ್ಸ್ ತಂಡಕ್ಕೆ ಆರಂಭಿಕ ಆಘಾತವುಂಟಾಯಿತು. ಅಲ್ಪ ಮೊತ್ತಕ್ಕೆ ಮೊದಲು ನಾಲ್ಕು ವಿಕೆಟ್ ಗಳನ್ನು ರಾಜಸ್ಥಾನ ಕಳೆದುಕೊಂಡಿತು. ಬಳಿಕ ತಂಡಕ್ಕೆ ನೆರವಾದ ಡೇವಿಡ್ ಮಿಲ್ಲರ್ ತಂಡದ ಗೆಲುವಿನ ರುವಾರಿ ಎಣಿಸಿಕೊಂಡರು. 62 ರನ್ ಗಳನ್ನು ಸಿಡಿಸಿದರು. ಇನ್ನುಳಿದಂತೆ ರಾಹುಲ್ ತಿವಾರಿ 19, ಕ್ರಿಸ್ ಮೋರಿಸ್ 36 ರನ್ ಗಳಿಸಿದರು.

  ಅಂತಿಮವಾಗಿ ರಾಜಸ್ಥಾನ ತಂಡ 19.4 ಓವರ್ ಗಳಲ್ಲಿ 7 ವಿಕೆಟ್ ಗಳ ನಷ್ಟಕ್ಕೆ 150 ರನ್ ಗಳಿಸಿ ಗೆಲುವಿನ ನಗೆ ಚೆಲ್ಲಿತು.