ಚೆನ್ನೈ: ಕೊಲ್ಕತ್ತಾ ತಂಡದ ವಿರುದ್ಧ ಮುಂಬೈಗೆ 10 ರನ್ ಗಳ ಗೆಲುವು

•   Tue, Apr 13 2021 11:30:34 PM



• ಚೆನ್ನೈ, ಏ. 13 (DaijiworldNews/SM): ಇಲ್ಲಿನ ಎಂ.ಎ. ಚಿದಂಬರಂ ಕ್ರಿಕೆಟ್ ಮೈದಾನದಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡ ಕೊಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಹತ್ತು ರನ್ ಗಳ ಅಂತರದ ಗೆಲುವು ದಾಖಲಿಸಿದೆ.

  

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಮುಂಬೈ ತಂಡಕ್ಕೆ ಆರಂಭದಲ್ಲಿ ನಾಯಕ ರೋಹಿತ್ ನೆರವಾದರು. ಜವಾಬ್ದಾರಿಯುತ ಆಟವಾಡಿದ ರೋಹಿತ್ 43 ರನ್ ಗಳಿಸಿದರು. ಇನ್ನು ಸೂರ್ಯ ನಾರಾಯಣ ಯಾದವ್ 56 ರನ್ ಗಳಿಸಿದರು. ಉಳಿದಂತೆ ಹಾರ್ದಿಕ್ ಪಾಂಡ್ಯ 15, ಕೃಣಲ್ ಪಾಂಡ್ಯ 15 ರನ್ ಗಳಿಸಿದರು. ಅಂತಿಮವಾಗಿ ಮುಂಬೈ ತಂಡ 20 ಓವರ್ ಗಳಲ್ಲಿ 152 ರನ್ ಗಳಿಸಿ ತನ್ನೆಲ್ಲ ವಿಕೆಟ್ ಕಳೆದುಕೊಂಡಿತು.

  ಕೊಲ್ಕತ್ತಾ ಪರ ರಸೆಲ್ ಮಾರಕವಾಗಿ ಕಾಡಿದರು. 5 ವಿಕೆಟ್ ಗಳನ್ನು ಕಬಳಿಸಿ ಮಿಂಚಿದರು.

  ಇನ್ನು ಮುಂಬೈ ನೀಡಿದ ಗುರಿ ಬೆನ್ನತ್ತಿದ ಕೊಲ್ಕತ್ತಾ ತಂಡ ಪರ ನಿತೀಶ್ ರಾಣ 57, ಶುಭಂ ಗಿಲ್ 33 ರನ್ ಗಳಿಸಿದರು. ಉಳಿದ ಯಾವೊಬ್ಬ ಆಟಗಾರನಿಂದಲೂ ನಿರೀಕ್ಷಿತ ಪ್ರದರ್ಶನ ಕಂಡುಬರಲಿಲ್ಲ. ಅಂತಿಮವಾಗಿ 20 ಓವರ್ ಗಳಲ್ಲಿ 7 ವಿಕೆಟ್ ಗಳ ನಷ್ಟಕ್ಕೆ 142 ರನ್ ಗಳಿಸಿ ೧೦ ರನ್ ಗಳ ಅಂತರದಿಂದ ಕೊಲ್ಕತ್ತಾ ತಂಡ ಸೋಲೊಪ್ಪಿಕೊಂಡಿತು.