ಮುಂಬೈ: ಸಂಜು ಸ್ಯಾಮ್ಸನ್ ಶತಕ ವ್ಯರ್ಥ-ರೋಚಕ ಘಟ್ಟದಲ್ಲಿ ಪಂಜಾಬ್ ಗೆ ಶರಣಾದ ರಾಜಸ್ಥಾನ್

•   Tue, Apr 13 2021 09:25:06 AM



• ಮುಂಬೈ, ಏ. 13 (DaijiworldNews/SM): ಇಲ್ಲಿನ ವಾಂಖೆಡೆ ಕ್ರಿಕೆಟ್ ಮೈದಾನದಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್ ತಂಡ ಕಿಂಗ್ಸ್ ಇಲೆವೆನ್ಸ್ ವಿರುದ್ಧ ರೋಚಕ ಹಂತದಲ್ಲಿ ಎಡವಿದೆ. ಆ ಮೂಲಕ ಪಂಜಾಬ್ 4 ರನ್ ಗಳ ರೋಚಕ ಗೆಲುವು ದಾಖಲಿಸಿದೆ.

  

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ಗೆ ಇಳಿಸಲ್ಪಟ್ಟ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ ಇಪ್ಪತ್ತು ಓವರ್ ಗಳಲ್ಲಿ ಆರು ವಿಕೆಟ್ ಗಳ ನಷ್ಟಕ್ಕೆ 221 ರನ್ ಗಳಿಸಿತು. ಪಂಜಾಬ್ ಪರ ನಾಯಕ ಕೆ.ಎಲ್. ರಾಹುಲ್ 91, ಕ್ರಿಸ್ ಗೇಲ್ 40, ಹೂಡಾ 64 ರನ್ ಗಳಿಸಿ ಅಬ್ಬರಿಸಿದರು.

  ರಾಜಸ್ಥಾನ ಪರ ಸಂಜು ಸ್ಯಾಮ್ಸನ್ ಅಬ್ಬರಿಸಿದರು. 119 ರನ್ ಗಳ ಶತಕ ಸಿಡಿಸಿ ಮಿಂಚಿದರು. ಆದರೆ, ರೋಚಕ ಕ್ಷಣಕ್ಕೆ ತಲುಪಿದರೂ ತಂಡ ದಡ ಸೇರಿಸಲು ಸಾಧ್ಯವಾಗದೆ, ಫೆವೀಲಿಯನ್ ನಡೆದರು. ಈ ಮೂಲಕ ರಾಜಸ್ಥಾನ 7 ವಿಕೆಟ್ ಗಳ ನಷ್ಟಕ್ಕೆ 217 ರನ್ ಗಳಿಸಿ ನಾಲ್ಕು ರನ್ ಗಳಿಂದ ಸೋಲೊಪ್ಪಿಕೊಂಡಿತು. ಇನ್ನು ರಾಜಸ್ಥಾನ ಪರ ಬಟ್ಲರ್ 25, ಶಿವಂ ದುಬೆ 23, ರಿಯಾನ್ ಪರಾಗ್ 25 ರನ್ ಗಳಿಸಿದರು.

  ಇನ್ನು ಪಂಜಾಬ್ ಪರ ಅರ್ಶ್ದೀಪ್ ಸಿಂಗ್ ಮೂರು, ಮಹಮ್ಮದ್ ಶಮಿ ಎರಡು ವಿಕೆಟ್ ಗಳನ್ನು ಪಡೆದರು.