ಚೆನ್ನೈ: ಹೈದರಾಬಾದ್ ತಂಡಕ್ಕೆ ಗೆಲ್ಲಲು 188 ರನ್ ಗುರಿ ನೀಡಿದ ಕೊಲ್ಕತ್ತಾ

•   Sun, Apr 11 2021 09:45:35 PM



• ಚೆನ್ನೈ, ಏ. 11 (DaijiworldNews/SM):ಇಲ್ಲಿನ ಎಂ.ಎ. ಚಿದಂಬರಂ ಮೈದಾನದಲ್ಲಿ  ನಡೆದ ಹದಿನಾಲ್ಕನೇ ಆವೃತ್ತಿಯ ಐಪಿಎಲ್ ನ ಮೂರನೇ ಪಂದ್ಯದಲ್ಲಿ, ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡ ಹೈದ್ರಾಬಾದ್ ವಿ ರುದ್ಧ ಹತ್ತುಗಳ ಅಂತರ ಗೆಲುವು ದಾಖಲಿಸಿಕೊಂಡಿದೆ.

  

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ಗೆ ಇಳಿಸಲ್ಪಟ್ಟ ಕೊಲ್ಕತ್ತಾ ತಂಡ 20 ಓವರ್ ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 187 ರನ್ ಗಳಿಸಿತು. ಕೊಲ್ಕತ್ತಾ ಪರ ಆರಂಭಿಕ ಆಟಗಾರ ನಿತಿಶ್ ರಾಣ ಅಬ್ಬರಿಸಿದರು. ಭರ್ಜರಿ ಬ್ಯಾಟ್ ಬೀಸಿದ ಅವರು 80 ರನ್ ಗಳನ್ನು ಚಚ್ಚಿದರು. ಇನ್ನು ತ್ರಿಪಾಟಿ 53 ರನ್ ಗಳಿಸಿದರು. ಕಾರ್ತಿಕ್ 22 ರನ್ ಗಳಿಸಿದರು.

  ಇದಕ್ಕೆ ಉತ್ತರವಾಗಿ ಹೈದ್ರಾಬಾದ್ ತಂಡ ಇಪ್ಪತ್ತು ಓವರ್ ಗಳಲ್ಲಿ 5 ವಿಕೆಟ್ ಗಳ ನಷ್ಟಕ್ಕೆ 177 ರನ್ ಗಳಿಸಲಷ್ಟೇ ಶಕ್ತವಾಯಿತು. ಹೈದ್ರಾಬಾದ್ ಪರ ಮನೀಶ್ ಪಾಂಡೆ 61, ಜಾನಿ ಬೈರ್ಸ್ಟ್ರೋಸ್ 55 ರನ್ ಗಳಿಸಿದರು. ಅಬ್ದುಲ್ ಸಮಾದ್ 19 ರನ್ ಗಳಿಸಿದರು. ಅಂತಿಮವಾಗಿ ಹೈದ್ರಾಬಾದ್ ತಂಡ ಹತ್ತು ರನ್ ಗಳ ಅಂತರದಿಂಡ ಸೋಲೊಪ್ಪಿಕೊಂಡಿತು.