ಅಹಮದಾಬಾದ್: ಭಾರತ-ಇಂಗ್ಲೆಂಡ್ ನಡುವೆ ಶುಕ್ರವಾರದಂದು ಮೊದಲ ಟಿ-20 ಪಂದ್ಯ ಆರಂಭ

•   Thu, Mar 11 2021 09:57:00 PM



• ಅಹಮದಾಬಾದ್, ಮಾ. 11 (DaijiworldNews/SM): ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯನ್ನು ಗೆದ್ದು ಬೀಗಿರುವ ಟೀಂ ಇಂಡಿಯಾ ಟಿ-20 ಸರಣಿ ಗೆಲ್ಲುವ ಆತ್ಮ ವಿಶ್ವಾಸ ಹೊಂದಿದೆ. ಪ್ರವಾಸಿ ಇಂಗ್ಲೆಂಡ್ ವಿರುದ್ಧ ಐದು ಟಿ-20 ಪಂದ್ಯಗಳನ್ನಾಡಲಿರುವ ಟೀಂ ಇಂಡಿಯಾ ಗೆಲುವಿನತ್ತ ಚಿತ್ತವನ್ನಿರಿಸಿದೆ. ಶುಕ್ರವಾರದಂದು ಮೊದಲ ಪಂದ್ಯವಾಡಲಿದೆ.

  

  ಇನ್ನು ಇದೇ ಅಂಗಳದಲ್ಲಿ ನಡೆದ ಎರಡು ಟೆಸ್ಟ್ ಪಂದ್ಯಗಳನ್ನು ಸೋತಿರುವ ಇಂಗ್ಲೆಂಡ್, ಸೋಲಿನ ಸೇಡು ತೀರಿಸಿಕೊಳ್ಳಲು ಸನ್ನದ್ದಗೊಂಡಿದ್ದು, ಆತಿಥೇಯ ತಂಡಕ್ಕೆ ಸವಾಲು ಎಸೆಯಲಿದೆ. ಇನ್ನು ಇಂಗ್ಲೆಂಡ್ ತಂಡದ ಸ್ಟಾರ್ ಬ್ಯಾಟ್ಸ್ ಮನ್ ಗಳು ತಂಡಕ್ಕೆ ಮರಳಿರುವುದು ಆನೆ ಬಲ ಸಿಕ್ಕಂತಾಗಿದೆ. ಮತ್ತೊಂದೆಡೆ ಚುಟುಕು ಕ್ರಿಕೆಟ್ ನಲ್ಲೂ ಕೂಡ ಮಿಂಚಲು ಭಾರತ ಆಟಗಾರರು ರೆಡಿಯಾಗಿದ್ದಾರೆ.

  ಸ್ಪಿನ್ನರ್ ಗಳಿಗೆ ಪೂರಕವಾಗಿ ಟೆಸ್ಟ್ ಸರಣಿಯಲ್ಲಿ ಪಿಚ್ ಇತ್ತಾದರೂ, ಟಿ-20ಯಲ್ಲಿ ಯಾರ ಪರವಾಗಿರಲಿದೆ ಎನ್ನುವುದು ಕುತೂಹಲದ ಸಂಗತಿಯಾಗಿದೆ. ಒಟ್ಟಿನಲ್ಲಿ ಟೆಸ್ಟ್ ಸರಣಿಯನ್ನು ಬೊಂಬಾಟಾಗಿ ನಿಭಾಯಿಸಿರುವ ಟೀಂ ಇಂಡಿಯಾ ಇದೀಗ ಟಿ-20ಯಲ್ಲೂ ಅದೇ ಅದ್ಭುತ ಪ್ರದರ್ಶನ ನೀದಲಿದೆ ಎಂಬುವುದು ಪ್ರೇಕ್ಷಕರ ನಿರೀಕ್ಷೆಯಾಗಿದೆ.