ಮೊದಲ ಟೆಸ್ಟ್‌: ಭಾರತಕ್ಕೆ ಹೀನಾಯ ಸೋಲು - ಆಸ್ಟ್ರೇಲಿಯಾಕ್ಕೆ 8 ವಿಕೆಟ್‌‌ಗಳ ಜಯ

•   Sat, Dec 19 2020 03:11:09 PM



• ಅಡಿಲೇಡ್‌, ಡಿ.19 (DaijiworldNews/PY): ಅಡಿಲೇಡ್‌‌ ಓವಲ್‌ ಕ್ರೀಡಾಂಗಣದಲ್ಲಿಆಸ್ಟ್ರೇಲಿಯಾ, ಪ್ರವಾಸಿ ಭಾರತ ವಿರುದ್ಧ ನಡೆದ ಚೊಚ್ಚಲ ಪಿಂಕ್‌‌ ಬಾಲ್‌ ಡೇ ನೈಟ್‌ ಟೆಸ್ಟ್‌ನಲ್ಲಿ ಭಾರತ ತಂದು 8 ವಿಕೆಟ್‌ಗಳಿಂದ ಹೀನಾಯ ಸೋಲು ಅನುಭವಿಸಿದೆ.

  

  ಶನಿವಾರ ದ್ವಿತೀಯ ಇನ್ನಿಂಗ್ಸ್‌ ಮುಂದುವರಿಸಿದ ಭಾರತ ತಂಡ 21.2 ಓವರ್‌‌ಗಳಿಗೆ 36 ರನ್‌ಗಳಿಗೆ 9 ವಿಕೆಟ್‌ಗಳನ್ನು ಕಳೆದುಕೊಂಡಿತು. ‌‌ ಮಯಾಂಕ್‌ ಅಗರ್ವಾಲ್‌ 9 ರನ್‌, ವಿರಾಟ್‌ ಕೊಹ್ಲಿ 4 ರನ್‌, ಪೃಥ್ವಿ ಶಾ 4 ರನ್ ‌ಗಳಿಸಿದರೆ‌, ಚೇತೇಶ್ವರ ಪೂಜಾರ ಹಾಗೂ ರಹಾನೆ ಶೂನ್ಯಕ್ಕೆ ಓಟಾದರು. ಇನ್ನು ಹನುಮ ವಿಹಾರಿ 8 ಹಾಗೂ ವೃದ್ದಿಮನ್‌ ಸಹಾ 4 ರನ್‌ ಗಳಿಸಿದರು.

  ಬಳಿಕ ಗುರಿ ಬೆನ್ನಟ್ಟಿದ ಆಸೀಸ್‌ 21 ಓವರ್‌ಗಳಿಗೆ 2 ವಿಕೆಟ್‌ ನಷ್ಟಕ್ಕೆ 93 ರನ್‌ ಗಳಿಸಿ, 8 ವಿಕೆಟ್‌ಗಳ ಗೆಲುವಿನ ನಗೆ ಬೀರಿದೆ. ಆಸೀಸ್‌ ತಂಡ ಪರ ಮ್ಯಾಥ್ಯೂ ವೇಡ್‌ 33 ರನ್‌ ಗಳಿಸಿ ಔಟಾದರೆ, ಜೋ ಬರ್ನ್ಸ್ ಅಜೇಯ 51, ಮಾರ್ನಸ್‌‌ ಲಾಬುಷೇನ್‌ 6 ಹಾಗೂ ಸ್ಟೀವನ್‌ ಸ್ಮಿತ್‌‌ 1 ರನ್‌ ಗಳಿಸಿದರು.