ಮೊದಲ ಏಕದಿನ ಪಂದ್ಯ - ಭಾರತದ ವಿರುದ್ಧ 66 ರನ್‌ಗಳ ಗೆಲುವು ಗಳಿಸಿದ ಆಸ್ಟ್ರೇಲಿಯಾ

•   Fri, Nov 27 2020 06:20:43 PM



• ಸಿಡ್ನಿ, ನ. 27 (DaijiworldNews/MB) : ಸಿಡ್ನಿ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಿನ ಮೊದಲ ಏಕದಿನ ಪಂದ್ಯದಲ್ಲಿ ಭಾರತದ ವಿರುದ್ದ ಆಸ್ಟ್ರೇಲಿಯಾ 66 ರನ್‌ಗಳ ಗೆಲುವು ಸಾಧಿಸಿದೆ.

  

  ಬಿಸಿಸಿಐ ಚಿತ್ರ

  ಆಸ್ಟ್ರೇಲಿಯಾ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದ್ದು 6 ವಿಕೆಟ್ ನಷ್ಟಕ್ಕೆ 374 ರನ್ ಗಳಿಸಿತ್ತು. ಈ ಗುರಿಯನ್ನು ಬೆನ್ನತ್ತಿದ ಭಾರತ ನಿಗದಿತ 50 ಓವರ್‌ಗಳಲ್ಲಿ ಭಾರತ 8 ವಿಕೆಟ್ ಕಳೆದುಕೊಂಡು 308 ರನ್ ದಾಖಲಿಸಿದೆ.

  ಆಸ್ಟ್ರೇಲಿಯಾದ ಡೇವಿಡ್ ವಾರ್ನರ್ 69 , ಆ್ಯರನ್ ಫಿಂಚ್ 114, ಸ್ಟೀವ್ ಸ್ಮಿತ್ 105, ಗ್ಲೆನ್ ಮ್ಯಾಕ್ಸ್‌ವೆಲ್‌ 45 ರನ್‌ ಗಳಿಸುವ ಮೂಲಕ ಅದ್ಭುತ ಪ್ರದರ್ಶನ ನೀಡಿದ್ದರು. ಭಾರತದ ಪರವಾಗಿ ಮೊಹಮ್ಮದ್ ಶಮಿ- 3, ಜಸ್‌ಪ್ರೀತ್ ಬೂಮ್ರಾ,ನವದೀಪ್ ಸೈನಿ, ಯಜುವೇಂದ್ರ ಚಾಹಲ್ ತಲಾ 1 ವಿಕೆಟ್ ಪಡೆದರು.

  ಭಾರತದ ಪರ ಆಡಿದ ಮಯಂಕ್ ಅಗರವಾಲ್ 22, ನಾಯಕ ವಿರಾಟ್ ಕೊಹ್ಲಿ 21 ರನ್, ಶ್ರೇಯಸ್ ಅಯ್ಯರ್ 2, ಕೆ,ಎಲ್.ರಾಹುಲ್ 12, ಶಿಖರ್ ಧವನ್ 86 ಎಸೆತಗಳಲ್ಲಿ 10 ಬೌಂಡರಿಗಳೊಂದಿಗೆ 74 ರನ್ ಗಳಿಸಿ ಔಟಾದರು. ಹಾರ್ದಿಕ್ ಪಾಂಡ್ಯ 76 ಎಸೆತಗಳಲ್ಲಿ 7 ಸಿಕ್ಸರ್ ಮತ್ತು 4 ಬೌಂಡರಿ ಬಾರಿಸಿ 90 ರನ್ ದಾಖಲಿಸಿ ಔಟಾದರು. ರವೀಂದ್ರ ಜಡೇಜಾ 25 ರನ್‌ ಗಳಿಸಿ ಔಟಾದರು. ಮೊಹಮ್ಮದ್‌ ಶಮಿ 13 ರನ್ ಗಳಿಸಿ ಔಟಾದರು. ಸೈನಿ 29 ರನ್ ಗಳಿಸಿ ಔಟಾಗದೆ ಉಳಿದರು.