'ಹೈದಾರಾಬಾದ್‌ನ ಈ ಬೌಲರ್‌ ವಿರುದ್ದ ಬ್ಯಾಟ್‌ ಬೀಸುವುದು ಕಷ್ಟ' - ಪಡಿಕ್ಕಲ್

•   Mon, Nov 16 2020 03:54:17 PM



• ಬೆಂಗಳೂರು, ನ. 16 (DaijiworldNews/MB) : ''ಸನ್‍ರೈಸಸ್ ಹೈದರಾಬಾದ್ ತಂಡದ ಸ್ಪಿನ್ನರ್ ರಶೀದ್ ಖಾನ್ ಬೌಲಿಂಗ್ ವಿರುದ್ಧ ಬ್ಯಾಟ್ ಬೀಸುವುದು ಬಹಳ ಕಷ್ಟ'' ಎಂದು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಆಟಗಾರ ದೇವದತ್ ಪಡಿಕ್ಕಲ್ ಹೇಳಿದ್ದಾರೆ.

  

  ಐಪಿಎಲ್ ಬಳಿಕ ಬೌಲರ್‌ಗಳ ವಿಚಾರವಾಗಿ ಮಾತನಾಡಿರುವ ಅವರು, ''ದೇಶೀಯ ಕ್ರಿಕೆಟ್‌ನಲ್ಲಿ ವೇಗದ ಬೌಲರ್‌ಗಳನ್ನು ಎದುರಿಸಿರುವ ಕಾರಣ ಐಪಿಎಲ್‍ನಲ್ಲಿ ವೇಗದ ಬೌಲರ್‌ಗಳನ್ನು ಸಮರ್ಥವಾಗಿ ಎದುರಿಸಿದ್ದೇನೆ. ಆದರೆ ಐಪಿಎಲ್‍ನಲ್ಲಿ ಸ್ಪಿನ್ ಬೌಲರ್‌ಗಳನ್ನು ಎದುರಿಸುವುದ ಕಷ್ಟ ಅದರಲ್ಲೂ ಹೈದರಾಬಾದ್ ತಂಡದ ಸ್ಪಿನ್ನರ್ ರಶೀದ್ ಖಾನ್ ವಿರುದ್ದ ಬ್ಯಾಟಿಂಗ್ ಮಾಡುವುದು ಕಷ್ಟಕರವಾದದ್ದು'' ಎಂದು ಹೇಳಿದ್ದಾರೆ.

  ''ಹಾಗೆಯೇ ಇದು ನನ್ನ ಆರಂಭ ಮಾತ್ರ. ನಾನು ಇನ್ನು ಸುಧಾರಣೆಯಾಗ ಬೇಕಿದೆ. ತರಬೇತಿ ಪಡೆಯಬೇಕಿದೆ. ಇನ್ನಿಂಗ್ಸ್‌ ಆರಂಭ ಮಾಡುವ ವಿಚಾರದಲ್ಲಿ ವಿರಾಟ್ ಕೊಹ್ಲಿ ಸಾಕಷ್ಟು ಸಹಾಯ ಮಾಡಿದ್ದರು. ದೇಶಕ್ಕಾಗಿ ಆಡಬೇಕು ಎಂಬ ಆಲೋಚನೆ ಮಾಡದೇ ನಿನ್ನ ಆಟವನ್ನು ಎಂಜಾಯ್‌ ಮಾಡು ಆಗ ತನ್ನಷ್ಟಕ್ಕೆ ಉತ್ತಮ ಆಟಗಾರನಾಗುತ್ತಿ ಎಂಬ ಸಲಹೆ ನೀಡಿದ್ದರು'' ಎಂದು ಹೇಳಿದ್ದಾರೆ.

  2020ರ ಆವೃತ್ತಿಯಲ್ಲಿ ಪ್ಲೇ ಆಫ್ ಪ್ರವೇಶಿಸಿದ ಆರ್‌ಸಿಬಿ ತಂಡದಲ್ಲಿ ಪಡಿಕ್ಕಲ್ ಹೆಚ್ಚು ಗಮನ ಸೆಳೆದರು. ಆರ್‌ಸಿಬಿ ಪರ ಆರಂಭಿಕನಾಗಿ ಬ್ಯಾಟ್ ಬೀಸಿರುವ ಪಡಿಕ್ಕಲ್‌ ಐದು ಅರ್ಧಶತಕಗಳನ್ನು ಸಿಡಿಸುವ ಮೂಲಕ ಸಾಧನೆ ಮಾಡಿದ್ದಾರೆ.