ಐಪಿಎಲ್ ಫೈನಲ್ ಗೆ ಲಗ್ಗೆ ಇಟ್ಟ ಡೆಲ್ಲಿ ಕ್ಯಾಪಿಟಲ್ಸ್; ಮುಂಬೈ-ಡೆಲ್ಲಿ ನಡುವೆ ನಡೆಯಲಿದೆ ಮೆಘಾ ಫೈಟ್

•   Sun, Nov 08 2020 11:20:39 PM



• ಅಬುಧಾಬಿ, ನ. 08 (DaijiworldNews/SM): ಇಲ್ಲಿನ ಶೇಕ್ ಝೈಯ್ಯದ್ ಮೈದಾನದಲ್ಲಿ ನಡೆದ ಐಪಿಎಲ್ ನ ಎರಡನೇ ಕ್ವಾಲಿಫೈಯರ್ ಪಂದ್ಯದಲ್ಲಿ ಸನ್ ರೈಸರ್ ಹೈದರಬಾದ್ ತಂಡದ ವಿರುದ್ಧ ಗೆಲುವು ದಾಖಲಿಸುವ ಮೂಲಕ ಡೆಲ್ಲಿ ಕ್ಯಾಪಿಟಲ್ಸ್ ಫೈನಲ್ ಗೆ ಲಗ್ಗೆ ಇಟ್ಟಿದೆ. ಆ ಮೂಲಕ ಮುಂಬೈ ವಿರುದ್ದ ಮತ್ತೊಮ್ಮೆ ಹೋರಾಡಲು ಡೆಲ್ಲಿ ಮಂದಾಗಿದೆ.

  

  ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಡೆಲ್ಲಿ 20 ಓವರ್ ಗಳಲ್ಲಿ ಮೂರು ವಿಕೆಟ್ ಗಳ ನಷ್ಟಕ್ಕೆ 189 ರನ್ ಗಳಿಸಿತು. ಡೆಲ್ಲಿ ಪರ ಧವನ್ 78, ಸ್ಟೋನಿಸ್ 38, ಹೆಟ್ಮಾಯರ್ 42, ಶ್ರೇಯಸ್ ಐಯ್ಯರ್ 21 ರನ್ ಗಳಿಸಿದರು.

  ಇನ್ನು ಡೆಲ್ಲಿ ನೀಡಿದ ಗುರಿ ಬೆನ್ನಟ್ಟಿದ ಹೈದ್ರಾಬಾದ್ ಗೆ ಉತ್ತಮ ಆರಂಭ ಸಿಗಲಿಲ್ಲ. ಭರವಸೆ ಮೂಡಿಸಿದ್ದ ವಿಲಿಯಂಸನ್ 67ರನ್ ಗಳಿಸಿ ನಿರ್ಗಮಿಸಿದರು. ಮನೀಶ್ ಪಾಂಡೆ 21 ರನ್ ಗಳಿಸಿದರು. ಸಮಾದ್ 33 ರನ್ ಗಳಿಸಿ ವಿಕೆಟ್ ಒಪ್ಪಿಸಿದ ಬಳಿಕ ಪಂದ್ಯ ಡೆಲ್ಲಿ ಪಾಲಾಯಿತು. ಅಂತಿಮವಾಗಿ ಇಪ್ಪತ್ತು ಓವರ್ ಗಳಲ್ಲಿ ಎಂಟು ವಿಕೆಟ್ ನಷ್ಟಕ್ಕೆ ೧೭೨ ರನ್ ಗಳಿಸಿ ಸೋಲೊಪ್ಪಿಕೊಂಡಿತು.