ಅಬುಧಾಬಿ: ಮರಳುಗಾಡಿನ ಐಪಿಎಲ್ 2020 ಕದನ ಕುತೂಹಲ-ನ. 10ರಂದು ನಡೆಯಲಿದೆ ಫೈನಲ್ ಪಂದ್ಯ

•   Wed, Nov 04 2020 10:20:48 PM



• ಅಬುಧಾಬಿ, ನ. 04 (DaijiworldNews/SM): ಹಲವು ಅಡೆತಡೆಗಳ ಬಳಿಕ ಇಂಡಿಯನ್ ಪ್ರೀಮಿಯರ್ ಲೀಗ್ 2020ರ ಎಲ್ಲಾ ಲೀಗ್ ಪಂದ್ಯಗಳು ಮುಕ್ತಾಯಗೊಂಡಿವೆ. ಇದೀಗ ಮುಂದಿನ ಹಂತದತ್ತ ಅಭಿಮಾನಿಗಳ ಗಮನ ನೆಟ್ಟಿದೆ.

  

  ನವೆಂಬರ್ 5ರಂದು ಮೊದಲ ಕ್ವಾಲಿಫೈಯರ್ ಪಂದ್ಯ ನಡೆಯಲಿದೆ. ಈಗಾಗಲೇ ಅಂಕಪಟ್ಟಿಯಲ್ಲಿ ಮೊದಲೆರಡು ಸ್ಥಾನದಲ್ಲಿರುವ ಮುಂಬೈ ಹಾಗೂ ದೆಹಲಿ ತಂಡಗಳು ಮೊದಲ ಕ್ವಾಲಿಫೈಯರ್ ಪಂದ್ಯದಲ್ಲಿ ಹೋರಾಟ ನಡೆಸಲಿವೆ. ಈ ಪಂದ್ಯದಲ್ಲಿ ಗೆದ್ದ ತಂಡ ನೇರವಾಗಿ ಫೈನಲ್ ಪ್ರವೇಶಿಸಲಿದೆ. ಆದರೆ, ಸೋತ ತಂಡಕ್ಕೆ ಮತ್ತೊಂದು ಅವಕಾಶ ಸಿಗಲಿದೆ.

  ಅಂಕಪಟ್ಟಿಯಲ್ಲಿ ಮೂರು ಹಾಗೂ ನಾಲ್ಕನೇ ಸ್ಥಾನದಲ್ಲಿರುವ ಆರ್ ಸಿಬಿ ಹಾಗೂ ಸನ್ ರೈಸರ್ ನಡುವಿನ ಪಂದ್ಯದಲ್ಲಿ ಗೆದ್ದ ತಂಡದ ವಿರುದ್ಧ ಮೊದಲ ಕ್ವಾಲಿಫೈಯರ್ ಪಂದ್ಯದಲ್ಲಿ ಸೋತ ತಂಡ ಹೋರಾಡಲಿದ್ದು, ಇಲ್ಲಿ ಗೆದ್ದ ತಂದ ಫೈನಲ್ ಪ್ರವೇಶಿಸಲಿದೆ.
  ಅದರಂತೆ ಫೈನಲ್ ಪಂದ್ಯ ನವಂಬರ್ 10ರಂದು ಮಂಗಳವಾರ ನಡೆಯಲಿದೆ. ಕ್ವಾಲಿಫೈಯರ್ ಒಂದರಲ್ಲಿ ಗೆದ್ದ ತಂಡ ಹಾಗೂ ಕ್ವಾಲಿಫೈಯರ್ ಎರಡರಲ್ಲಿ ಗೆದ್ದ ತಂಡಗಳು ಫೈನಲ ನಲ್ಲಿ ಹೋರಾಡಲಿವೆ. 2020ರ ಐಪಿಎಲ್ ಯಾರ ಮುಡಿಗೇರಲಿದೆ ಎನ್ನುವ ಕುತೂಹಲ ಇದೀಗ ಎಲ್ಲರಲ್ಲೂ ಮನೆಮಾಡಿದೆ.