ಅಬುಧಾಬಿ: ಅಂತಿಮ ಲೀಗ್ ಪಂದ್ಯ ಗೆದ್ದ ಹೈದ್ರಾಬಾದ್ ಪ್ಲೇ ಆಫ್ ಗೆ ಲಗ್ಗೆ

•   Tue, Nov 03 2020 11:23:27 PM



• ಅಬುಧಾಬಿ, ನ. 03 (DaijiworldNews/SM): ಮುಂಬೈ ವಿರುದ್ಧದ ಐಪಿಎಲ್ ಪಂದ್ಯದಲ್ಲಿ ಸನ್ ರೈಸರ್ ಹೈದ್ರಬಾದ್ ತಂಡ ಹತ್ತು ವಿಕೆಟ್ ಗಳ ಭರ್ಜರಿ ಗೆಲುವು ದಾಖಲಿಸಿಕೊಂಡಿದೆ.

  

  ಇಲ್ಲಿನ ಶಾರ್ಜಾ ಕ್ರಿಕೆಟ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಮುಂಬೈ ಇಪ್ಪತ್ತು ಓವರ್ ಗಳಲ್ಲಿ ಎಂಟು ವಿಕೆಟ್ ಗಳ ನಷ್ಟಕ್ಕೆ 149 ರನ್ ಗಳಿಸಿತು. ಮುಂಬೈ ಪರ ನಾಯಕ ರೋಹಿತ್ ಉತ್ತಮ ಪ್ರದರ್ಶನ ನೀಡಲು ವಿಫಲರಾದರು. ಡಿ ಕಾಕ್ 25, ಸೂರ್ಯ ಕುಮಾರ್ ಯಾದವ್ 36, ಇಶಾನ್ ಕಿಶಾನ್ 33, ಪೊಲಾರ್ಡ್ 41 ರನ್ ಗಳಿಸಿದ್ದು ಬಿಟ್ಟರೆ ಉಳಿದಂತೆ ಯಾವೊಬ್ಬ ಆಟಗಾರ ಎರಡಂಕಿ ದಾಟಲು ಸಾಧ್ಯವಾಗಲಿಲ್ಲ.

  ಮುಂಬೈಗೆ ಸಂದೀಪ್ ಶರ್ಮಾ ಮುಳುವಾಗಿ ಕಾಡಿದರು. ಸಂದೀಪ್ ಮೂರು, ಹೋಲ್ಡರ್ ಹಾಗೂ ನದೀಮ್ ತಲಾ ಎರಡೆರಡು ವಿಕೆಟ್ ಗಳನ್ನು ಪಡೆದರು.

  ಇನ್ನು ಮುಂಬೈ ನೀಡಿದ ಗುರಿಗೆ ಉತ್ತರವಾಗಿ ಹೈದ್ರಬಾದ್ ತಂಡ 17.1 ಓವರ್ ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 151 ರನ್ ಸಿಡಿಸಿ ಗೆಲುವಿನ ನಗೆ ಚೆಲ್ಲಿತು. ಹೈದ್ರಾಬಾದ್ ಪರ ಡೇವಿಡ್ ವಾರ್ನರ್ 85, ವೃದ್ಧಿಮಾನ್ ಶಾಹಾ 58 ರನ್ ಗಳಿಸಿ ಅಜೇಯವಾಗಿ ಉಳಿದು ತಂಡದ ಗೆಲುವಿನ ರುವಾರಿಗಳೆನಿಸಿದರು.