ಅಬುಧಾಬಿ: ಡೆಲ್ಲಿ ವಿರುದ್ಧ ಸೋಲು ಸಂಕಷ್ಟದಲ್ಲಿ ಆರ್ ಸಿಬಿ-ಡಿಸಿ ಪ್ಲೇ ಆಫ್ ಸ್ಥಾನ ಭದ್ರ

•   Mon, Nov 02 2020 11:14:49 PM



• ಅಬುಧಾಬಿ, ನ. 02 (DaijiworldNews/SM): ಇಲ್ಲಿನ ಶೇಖ್ ಝೈಯ್ಯದ್ ಕ್ರಿಕೆಟ್ ಮೈದಾನದಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಗೆಲ್ಲುವ ಮೂಲಕ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಪ್ಲೇ ಆಫ್ ಸ್ಥಾನ ಭದ್ರಪಡಿಸಿಕೊಂಡಿದೆ. ಮತ್ತೊಂದೆಡೆ ಕೊಹ್ಲಿ ಮುಂದಾಳತ್ವದ ಆರ್ ಸಿಬಿ ಸೋಲನುಭವಿಸಿ ಸಂಕಷ್ಟಕ್ಕೆ ಸಿಲುಕಿದೆ.

  

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ಗೆ ಇಳಿಯಲ್ಪಟ್ಟ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಇಪ್ಪತ್ತು ಓವರ್ ಗಳಲ್ಲಿ ಏಳು ವಿಕೆಟ್ ಗಳ ನಷ್ಟಕ್ಕೆ 152 ರನ್ ಗಳನ್ನು ಗಳಿಸಲಷ್ಟೇ ಶಕ್ತವಾಯಿತು. ಆರ್ ಸಿ ಬಿ ಪರ ದೇವದತ್ ಪಡಿಕಲ್ 50, ನಾಯಕ ಕೊಹ್ಲಿ 29, ಡಿವಿಲಿಯರ್ಸ್ 35, ಶಿವಂ ದುಬೆ 17 ರನ್ ಗಳಿಸಿದರು. ಡೆಲ್ಲಿ ಪರ ನೋರ್ಟ್ ಜೆ ಮೂರು, ರಬಾಡ ಎರಡು ವಿಕೆಟ್ ಪಡೆದರು.

  ಇನ್ನು ಆರ್ ಸಿಬಿ ನೀಡಿದ ಗುರಿ ಬೆನ್ನತ್ತಿದ ಡೆಲ್ಲಿಗೆ ಉತ್ತಮ ಆರಂಭ ದೊರಕಿತು. ಡೆಲ್ಲಿ ಪರ ಶಿಖರ್ ಧವನ್ 54, ಅಜಿಂಕ್ಯಾ ರಹಾನೆ 60, ಸ್ಟೋನಿಸ್ 10 ರನ್ ಗಳಿಸಿದರು. ಅಂತಿಮವಾಗಿ ಹತ್ತೊಂಬತ್ತು ಓವರ್ ಗಳಲ್ಲಿ ನಾಲ್ಕು ವಿಕೆಟ್ ಗಳ ನಷ್ಟಕ್ಕೆ 154 ರನ್ ಗಳಿಸಿ ಗೆಲುವಿನ ನಗೆ ಚೆಲ್ಲಿತು.