ಅಬುಧಾಬಿ: ಪಂಜಾಬ್ ಗೆ ಸತತ ಐದನೇ ಗೆಲುವು-ಕೊಲ್ಕತ್ತಾ ವಿರುದ್ಧ 8 ವಿಕೆಟ್ ಜಯ

•   Mon, Oct 26 2020 11:19:41 PM



• ಅಬುಧಾಬಿ, ಅ. 26 (DaijiworldNews/SM): ಇಲ್ಲಿನ ಶಾರ್ಜಾ ಮೈದಾನದಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ ಎಂಟು ವಿಕೆಟ್ ಗಳ ಭರ್ಜರಿ ಗೆಲುವು ದಾಖಲಿಸಿಕೊಂಡಿದ್ದು, ಆ ಮೂಲಕ ಸತತ ಐದನೇ ಜಯವನ್ನು ತನ್ನದಾಗಿಸಿದೆ.

  

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ಇಳಿಯಲ್ಪಟ್ಟ ಕೊಲ್ಕತ್ತಾ ತಂಡ ಇಪ್ಪತ್ತು ಓವರ್ ಗಳಲ್ಲಿ ಒಂಬತ್ತು ವಿಕೆಟ್ ಗಳನ್ನು ಕಳೆದುಕೊಂಡು 149 ರನ್ ಗಳನ್ನು ಸಿಡಿಸಿದರು. ಕೊಲ್ಕತ್ತಾಗೆ ಶುಭಮ್ ಗಿಲ್(57) ನೆರವಾದರು. ಮಾರ್ಗನ್ 40 ರನ್ ಸಿಡಿಸಿದರು. ಇನ್ನು ಪಂಜಾಬ್ ಪರ ಶಮಿ ಮೂರು, ಜೋರ್ಡಾನ್, ಬಿಶ್ನೋಯಿ ತಲಾ ಎರಡು ವಿಕೆಟ್ ಪಡೆದುಕೊಂಡಿದ್ದಾರೆ.

  ಇನ್ನು ಪಂಜಾಬ್ ನೀಡಿದ ಗುರಿ ಬೆನ್ನತ್ತಿದ ಪಂಜಾಬ್ 28 ರನ್ ಸಿಡಿಸಿದರೆ, ಮಂದೀಪ್ ಸಿಂಗ್ ತಂಡಕ್ಕೆ ನೆರವಾದರು. 66 ರನ್ ಸಿಡಿಸಿ ಗೆಲುವಿನ ರುವಾರಿ ಎಣಿಸಿಕೊಂಡರು. ಅಲ್ಲದೆ, ಈ ನಡುವೆ, ಯುನಿವರ್ಸಲ್ ಬಾಸ್ ಗೇಲ್ 29 ಎಸೆತಗಳಲ್ಲಿ 2 ಬೌಂಡರಿಗಳು ಹಾಗೂ 5 ಸಿಕ್ಸರ್ ಗಳನ್ನು ಸಿಡಿಸಿ 51 ರನ್ ಗಳಿಸಿದರು.
  ಅಂತಿಮವಾಗಿ 18.5 ಓವರ್ ಗಳಲ್ಲಿ ಎರಡು ವಿಕೆಟ್ ನಷ್ಟಕ್ಕೆ 150 ರನ್ ಗಳಿಸಿ ಗೆಲುವಿನ ನಗೆ ಚೆಲ್ಲಿತು.