ಸರಣಿ ಸೋಲಿನ ಬಳಿಕ ಆರ್ ಸಿಬಿ ವಿರುದ್ಧ ಗೆಲುವಿನ ನಗೆ ಚೆಲ್ಲಿದ ಚೆನ್ನೈ

•   Sun, Oct 25 2020 07:38:56 PM



• ಅಬುಧಾಬಿ, ಅ. 25 (DaijiworldNews/SM): ಸರಣಿ ಸೋಲಿನ ಬಳಿಕ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಮತ್ತೊಂದು ಪಂದ್ಯವನ್ನು ಗೆದ್ದುಕೊಂಡಿದ್ದು, ಮಾನ ಉಳಿಸಿದೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ಎಂಟು ವಿಕೆಟ್ ಗಳ ಗೆಲುವು ದಾಖಲಿಸಿದೆ.

  

  ಇಲ್ಲಿನ ದುಬೈ ಇಂಟರ್ ನ್ಯಾಷನಲ್ ಕ್ರಿಕೆಟ್ ಮೈದಾನದಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಟಾಸ್ ಗೆದ್ದ ಆರ್ ಸಿಬಿ ಬ್ಯಾಟಿಂಗ್ ಆಯ್ದುಕೊಂಡು ಚೆನ್ನೈಗೆ 146 ರನ್ ಗಳ ಗುರಿ ನೀಡಿತು.

  20 ಓವರ್ ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 145 ರನ್ ಗಳಿಸಿತು. ಆರ್ ಸಿಬಿ ಪರ ಪಡಿಕಲ್ 22, ಫಿಂಚ್ 15, ನಾಯಕ ವಿರಾಟ್ ಕೊಹ್ಲಿ 50, ಡಿವಿಲಿಯರ್ಸ್ 39 ರನ್ ಸಿಡಿಸಿದರು.

  ಇನ್ನು ಇದಕ್ಕೆ ಉತ್ತರವಾಗಿ ಚೆನ್ನೈ ರುತುರಾಜ್ ಗಾಯಕ್ವಾಡ್ 65, ಡ್ಯುಪ್ಲೆಸಿಸ್ 25, ಅಂಬಾಟಿ ರಾಯುಡ್ 39, ಎಂ.ಎಸ್. ಧೋನಿ 19 ರನ್ ಸಿಡಿಸಿ ಚೆನ್ನೈ ಗೆಲುವಿನ ನಗೆ ಚೆಲ್ಲಿದರು.