ಅಬುಧಾಬಿ: ರಾಜಸ್ಥಾನ ರಾಯಲ್ಸ್ ವಿರುದ್ಧ ಗೆದ್ದು ಬೀಗಿದ ಆರ್ ಸಿಬಿ

•   Sat, Oct 17 2020 07:33:48 PM



• ಅಬುಧಾಬಿ, ಅ. 17 (DaijiworldNews/SM): ಇಲ್ಲಿನ ದುಬೈ ಇಂಟರ್ ನ್ಯಾಷನಲ್ ಕ್ರಿಕೆಟ್ ಮೈದಾನದಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಆರ್ ಸಿ ಬಿ ತಂಡದ ಎ ಬಿ ಡಿವಿಲಿಯರ್ಸ್ ಅಬ್ಬರಿಸಿದ್ದು, ರಾಜಸ್ಥಾನ ವಿರುದ್ಧ ಏಳು ವಿಕೆಟ್ ಗಳಿಂದ ಗೆದ್ದು ಬೀಗಿದೆ.

  

  ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ರಾಜಸ್ಥಾನ ತಂಡ ಇಪ್ಪತ್ತು ಓವರ್ ಗಳಲ್ಲಿ 6 ವಿಕೆಟ್ ಗಳ ನಷ್ಟಕ್ಕೆ 177 ಗಳಿಸಿತು. ಇದಕ್ಕೆ ಉತ್ತರವಾಗಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 19.4 ಓವರ್ ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 179 ರನ್ ಗಳಿಸಿ ಗೆಲುವಿನ ನಗೆ ಚೆಲ್ಲಿತು.

  ರಾಜಸ್ಥಾನ ಪರ ರಾಬಿನ್ ಉತ್ತಪ್ಪ 41, ಸ್ಟೋಕ್ಸ್ 15, ಸ್ಟೀವನ್ ಸ್ಮಿತ್ 57, ಬಟ್ಲರ್ 24, ರಾಹುಲ್ ತಿವಾರಿ 19 ರನ್ ಗಳನ್ನು ಸಿಡಿಸಿದರು.

  ಇನ್ನು ಬೆಂಗಳೂರು ಪರ ದೇವದತ್ತ್ ಪಡಿಕ್ಕಲ್ 35, ಆರನ್ ಪಿಂಚ್ 14, ನಾಯಕ ವಿರಾಟ್ ಕೊಹ್ಲಿ 43 ರನ್ ಸಿಡಿಸಿದರೆ, ಎ ಬಿಡಿವಿಲಿಯರ್ಸ್ ಅಬ್ಬರಿಸಿದರು. 22 ಎಸೆತಗಳಲ್ಲಿ ಆರು ಸಿಕ್ಸರ್ ಸಿಡಿಸಿ 55 ರನ್ ಗಳಿಸಿದರು. ಗುರುಕೀರತ್ 19 ರನ್ ಸಿಡಿಸಿದರು.