ಅಬುಧಾಬಿ: ಸನ್ ರೈಸರ್ ವಿರುದ್ಧ ಚೆನ್ನೈಗೆ 20 ರನ್ ಗಳ ಜಯ

•   Tue, Oct 13 2020 09:34:20 PM



• ಅಬುಧಾಬಿ, ಅ. 13 (DaijiworldNews/SM): ಇಲ್ಲಿನ ದುಬೈ ಇಂಟರ್ ನ್ಯಾಷನಲ್ ಕ್ರಿಕೆಟ್ ಮೈದಾನದಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಸನ್ ರೈಸರ್ ವಿರುದ್ಧ ಇಪ್ಪತ್ತು ರನ್ ಗಳ ಅಂತರದ ಗೆಲುವು ದಾಖಲಿಸಿದೆ.

  

  ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಚೆನ್ನೈ ತಂಡ ಇಪ್ಪತ್ತು ಓವರ್ ಗಳಲ್ಲಿ 6 ವಿಕೆಟ್ ಗಳ ನಷ್ಟಕ್ಕೆ 167 ರನ್ ಗಳಿಸಿತು. ಚೆನ್ನೈ ಪರ ಆರಂಭಿಕ ಆಟಗಾರ ಸಾಮ್ ಕರಣ್ 31, ವಾಟ್ಸನ್ 42, ರಾಯುಡು 41, ಧೋನಿ 21, ರವೀಂದ್ರ ಜಡೇಜಾ ಅಜೇಯ 25 ರನ್ ಗಳಿಸಿದರು.

  ಇನ್ನು ಸನ್ ರೈಸರ್ ಪರ ಸಂದೀಪ್ ಶರ್ಮಾ, ಖಲೀಲ್ ಅಹಮ್ಮದ್, ಟಿ. ನಟರಾಜನ್ ತಲಾ ಎರಡೆರಡು ವಿಕೆಟ್ ಪಡೆದರು.

  ಇನ್ನು ಚೆನ್ನೈ ನೀಡಿದ ಗುರಿ ಬೆನ್ನತ್ತಿದ ಸನ್ ರೈಸರ್ಸ್ ತಂಡ ಇಪ್ಪತ್ತು ಓವರ್ ಗಳಲ್ಲಿ ಎಂಟು ವಿಕೆಟ್‌ಗಳ ನಷ್ಟಕ್ಕೆ 147 ರನ್ ಗಳನ್ನಷ್ಟೇ ಪೇರಿಸಲು ಶಕ್ತವಾಯಿತು. ಆ ಮೂಲಕ ಇಪ್ಪತ್ತು ರನ್ ಗಳ ಅಂತರದ ಸೋಲನ್ನು ಒಪ್ಪಿಕೊಂಡಿತು.