ಆರ್‌ಸಿಬಿ ದಂಡಿಗೆ ಬೆದರಿದ ಸಿಎಸ್‌ಕೆ ಪಡೆ - ಚೆನ್ನೈಗೆ 37 ರನ್‌ಗಳ ಸೋಲು

•   Sat, Oct 10 2020 11:24:20 PM



• ಅಬುದಾಬಿ, ಅ. 10 (DaijiworldNews/MB) : ರಾಯಲ್‌ ಚಾಲೆಂಜರ್‍ಸ್‌ ಬೆಂಗಳೂರು ಹಾಗೂ ಚೆನ್ನೈ ಸೂಪರ್‌ ಕಿಂಗ್‌ ನಡುವೆ ನಡೆದ ಐಪಿಎಲ್‌ ಪಂದ್ಯದಲ್ಲಿ ಆರ್‌ಸಿಬಿ ದಂಡಿಗೆ ಬೆದರಿದ ಸಿಎಸ್‌ಕೆ ಪಡೆ 37 ರನ್‌ಗಳ ಸೋಲುಂಡಿದೆ.

  

  ಟಾಸ್‌ ಗೆದ್ದು ಬ್ಯಾಟಿಂಗ್‌ ಆಯ್ಕೆ ಮಾಡಿದ್ದ ಆರ್‌ಸಿಬಿ ನಿಗದಿತ 20 ಓವರ್‌ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 169 ರನ್ ಗಳಿಸಿ ಚೆನ್ನೈಗೆ 170 ರನ್‌ಗಳ ಗುರಿ ನೀಡಿತ್ತು. ಈ ಗುರಿಯನ್ನು ಬೆನ್ನತ್ತಿದ ಚೆನ್ನೈ ತಂಡವು ನಿಗದಿತ 20 ಓವರ್‌ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 132 ರನ್ ಗಳಿಸಿ ಸೋಲೊಪ್ಪಿಕೊಂಡಿತು.

  ಅಂಬಟಿ ರಾಯುಡು 42, ಎನ್.ಜಗದೀಶನ್ 33 ರನ್ ಗಳಿಸಿದರು. ಬೆಂಗಳೂರು ಪರ ವಾಶಿಂಗ್ಟನ್ ಸುಂದರ್ 2, ಕ್ರಿಸ್ ಮೋರಿಸ್ 3, ಯುಝುವೇಂದ್ರ ಚಾಹಲ್ ಹಾಗೂ ಇಸುರು ಉದಾನ ತಲಾ ಒಂದು ವಿಕೆಟ್ ಪಡೆದರು.

  ಆರ್‌ಸಿಬಿ ತಂಡದ ನಾಯಕ ವಿರಾಟ್ ಕೊಹ್ಲಿ ಅರ್ಧಶತಕ ಬಾರಿಸಿ ತಂಡಕ್ಕೆ ನೆರವಾದರು. 52 ರನ್‌ಗಳಲ್ಲಿ 90 ರನ್‌ ಗಳಿಸಿ ಔಟಾಗದೆ ಉಳಿದರು.

  ಚೆನ್ನೈ ಪರ ಶಾರ್ದೂಲ್‌ ಠಾಕೂರ್‌ ಎರಡು, ದೀಪಕ್‌ ಚಾಹರ್‌ ಹಾಗೂ ಸ್ಯಾಮ್‌ ಕರ್ನರ್‌ ತಲಾ ಒಂದು ವಿಕೆಟ್‌ ಪಡೆದರು.