ಮುಂಬೈ ಸವಾಲು ಬೆನ್ನತ್ತಿದ ರಾಜಸ್ಥಾನಕ್ಕೆ ಗೆಲುವಿನ ಹಾದಿ ದುರ್ಗಮ

•   Tue, Oct 06 2020 11:06:34 PM



• ಅಬುಧಾಬಿ, ಅ. 06 (DaijiworldNews/SM): ಇಲ್ಲಿನ ಶೇಖ್ ಝಯ್ಯದ್ ಮೈದಾನದಲ್ಲಿ ನಡೆಯುತ್ತಿರುವ ಐಪಿಎಲ್ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್ ತಂಡಕ್ಕೆ ಗೆಲುವಿನ ಹಾದಿ ದುರ್ಗಮವಾಗಿದೆ.

  

  ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ದುಕೊಂಡ ಮುಂಬೈ ನಿಗದಿತ 20 ಓವರ್ ಗಳಲ್ಲಿ ನಾಲ್ಕು ವಿಕೆಟ್ ಗಳ ನಷ್ಟಕ್ಕೆ 193 ರನ್ ಗಳಿಸಿತು. ಮುಂಬೈ ಪರ ಡಿ ಕಾಕ್ 23, ನಾಯಕ ರೋಹಿತ್ 35, ಕೃಣಲ್ ಪಾಂಡೆ 12 ರನ್ ಸಿಡಿಸಿದರೆ, ಸೂರ್ಯ ಕುಮಾರ್ ಯಾದವ್ ತಂಡಕ್ಕೆ ನೆರವಾದರು. ಅಜೇಯ 79 ರನ್ ಗಳನ್ನು ಸಿಡಿಸಿದರು. ಅವರಿಗೆ ಹಾರ್ದಿಕ್ ಪಾಂಡ್ಯ ಸಾಥ್ ನೀಡಿದ್ದು, 30 ರನ್ ಸಿಡಿಸಿ ಅಜೇಯರಾಗಿ ಉಳಿದರು.

  ಮುಂಬೈ ಇಂಡಿಯನ್ಸ್ ತಂಡ ನೀಡಿದ 194 ರನ್ ಗಳ ಗುರಿ ಬೆನ್ನತ್ತಿದ ರಾಜಸ್ಥಾನ ತಂಡಕ್ಕೆ ಉತ್ತಮ ಆರಂಭ ಸಿಕ್ಕಿಲ್ಲ. ಜೈಸ್ವಾಲ್, ಸಂಜು ಸ್ಯಾಮ್ಸನ್ ಖಾತೆ ತೆರೆಯದೆ ನಿರ್ಗಮಿಸಿದರೆ, ಸ್ಟೀವನ್ ಸ್ಮಿತ್ ೬ ರನ್ ಗೆ ಔಟಾದರು. ಈ ವೇಳೆ ತಂಡಕ್ಕೆ ನೆರವಾದ ಬಟ್ಲರ್ 70 ರನ್ ಸಿಡಿಸಿದರು.