ಅಬುಧಾಬಿ: ಗಂಗೂಲಿ ಬಗ್ಗೆ ಡೆಲ್ಲಿ ನಾಯಕ ಶ್ರೇಯಸ್ ನೀಡಿದ ಹೇಳಿಕೆಯಿಂದ ವಿವಾದ

•   Mon, Sep 21 2020 10:26:52 PM



• ಅಬುಧಾಬಿ, ಸೆ. 21 (DaijiworldNews/SM): ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಬಗ್ಗೆ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ನಾಯಕ ಶ್ರೇಯಸ್ ಐಯ್ಯರ್ ಕಾಮೆಂಟ್ ಮಾಡಿದ್ದು, ಇದೀಗ ವಿವಾದಕ್ಕೆ ಗುರಿಯಾಗಿದ್ದಾರೆ.

  

  ಹದಿಮೂರನೇ ಆವೃತ್ತಿಯ ಐಪಿಎಲ್ ಟುರ್ನಿಯ ಎರಡನೇ ಪಂದ್ಯದಲ್ಲಿ ಸೂಪರ್ ಓವರ್ ಮೂಲಕ ಡೆಲ್ಲಿ ತಂಡ ಗೆಲುವು ಸಾಧಿಸಿತ್ತು. ಬಳಿಕ ಅಭಿಪ್ರಾಯ ಹಂಚಿಕೊಳ್ಳುವ ಸಂದರ್ಭದಲ್ಲಿ ಶ್ರೇಯಸ್ ಹೇಳಿಕೆ ಇದೀಗ ವಿವಾದಕ್ಕೆ ಗುರಿಯಾಗಿದೆ.

  ಪಂದ್ಯ ಗೆದ್ದ ಬಳಿಕ ಮಾತನಾಡುವ ಸಂದರ್ಭದಲ್ಲಿ ಶ್ರೇಯಸ್, 'ತಮ್ಮ ತಂಡದಲ್ಲಿ ರಿಕಿ ಪಾಂಟಿಂಗ್ ಮತ್ತು ಸೌರವ್ ಗಂಗೂಲಿ ಅವರಂಥವರನ್ನು ಪಡೆದಿರುವುದು ನಮ್ಮ ಅದೃಷ್ಟ. ಗಂಗೂಲಿ ಕೂಡ ತಂಡಕ್ಕೆ ನೆರವಾಗುತ್ತಿದ್ದಾರೆ ಎಂದಿದ್ದರು. ಈ ಹೇಳಿಕೆ ವಿವಾದಕ್ಕೆ ಗುರಿಯಾಗಿದೆ. ಇದರ ಫ್ರಾಂಚೈಸಿಗಳ ಕೆಂಗಣ್ಣಿಗೆ ಗುರಿಯಾಗಿದೆ.

  ಕಳೆದ ಐಪಿಎಲ್ ಸಂದರ್ಭದಲ್ಲಿ ಡೆಲ್ಲಿ ತಂಡಕ್ಕೆ ದಾದಾ ಮಾರ್ಗದರ್ಶನಕರಾಗಿದ್ದರು. ಇದರಿಂದಾಗಿ ತಂದದೊಂದಿಗೆ ಸಂಪರ್ಕ ಹೊಂದಿದ್ದಾರೆ. ಆದರೆ, ಪ್ರಸ್ತುತ ಗಂಗೂಲಿಯವರು ಬಿಸಿಸಿಐ ಗೆ ಅಧ್ಯಕ್ಷರಾಗಿದ್ದಾರೆ. ಹೀಗಿರುವ ಸಂದರ್ಭದಲ್ಲಿ ಅವರು ಯಾವುದೇ ಒಂದು ನಿರ್ಧಿಷ್ಟ ತಂದವನ್ನು ಬೆಂಬಲಿಸುವಂತಿಲ್ಲ. ಕಳೆದ ವರ್ಷದ ಮಾರ್ಗದರ್ಶನದ ಕಾರಣದಿಂದಾಗಿ ಗಂಗೂಲಿಯ ಬಗ್ಗೆ ಶ್ರೇಯಸ್ ಹೊಗಳಿಕೆಯ ಮಾತುಗಳನ್ನಾಡಿದ್ದರು. ಆದರೆ, ಇದುವೇ ವಿವಾದವಾಗಿದೆ.