ದುಬೈ: ಫಾರ್ಮ್ ಬಗ್ಗೆ ಅನುಮಾನಪಟ್ಟವರಿಗೆ ಬ್ಯಾಟ್ ಮೂಲಕವೇ ಉತ್ತರಿಸಿದ ಮಹೇಂದ್ರ ಸಿಂಗ್ ಧೋನಿ

•   Fri, Sep 11 2020 10:43:12 PM



• ದುಬೈ, ಸೆ 11 (DaijiworldNews/SM): ಮಹೇಂದ್ರ ಸಿಂಗ್ ಧೋನಿ, ಹೆಸರು ಕೇಳುವಾಗ್ಲೆ ಅಭಿಮಾನಿಗಳು ಹುಚ್ಚೆದ್ದು ಕುಣಿಯುವಂತೆ ಮಾಡುವ ಅಸಾಮಾನ್ಯ ವ್ಯಕ್ತಿ. ಕಳೆದ ಒಂದು ವರ್ಷದಿಂದ ಕ್ರಿಕೆಟ್ ಮೈದಾನದಿಂದ ದೂರ ಉಳಿದುಕೊಂಡಿದ್ದ ಮಾಹಿ ಇದೀಗ ಐಪಿಎಲ್ ಟೂರ್ನಿಯಲ್ಲಿ ಆಡೋಕೆ ಮೈದಾನಕ್ಕಿಳಿದು ತಾಲೀಮು ನಡೆಸುತ್ತಿದ್ದಾರೆ. ಒಂದು ವರ್ಷ ಕ್ರಿಕೆಟ್ ನಿಂದ ದೂರವಿದ್ದರೂ ಕೂಡ ಕ್ರಿಕೆಟ್ ಮಾತ್ರ ಅವರನ್ನು ದೂರವಾಗಿಸಿಲ್ಲ. ಇದೇ ಕಾರಣದಿಂದಾಗಿ ಅಭ್ಯಾಸ ಪಂದ್ಯಗಳಲ್ಲಿ ಅದ್ಭುತವಾಗಿ ಬ್ಯಾಟ್ ಬೀಸಲು ಮಾಹಿ ಶಕ್ತರಾಗಿದ್ದಾರೆ.

  

  ಇತ್ತೀಚಿಗೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ಧೋನಿ ನಿವೃತ್ತಿ ಘೋಷಿಸಿದ್ದರು. ಆ ಸಂದರ್ಭದಲ್ಲಿ ಕೆಲವರು ಅವರ ಫಾರ್ಮ್ ಬಗ್ಗೆ ಅಭಿಪ್ರಾಯ ವ್ಯಕ್ತಪಡಿಸಿದ್ದರು. ಆದರೆ, ಸಿಎಸ್ ಕೆ ತಂಡ ಇಂದು ವಿಡಿಯೋವೊಂದನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಯಬಿಡುವ ಮೂಲಕ ಅಂತಹ ಅನುಮಾನಗಳಿಗೆ ಮಾಹಿಯ ಬ್ಯಾಟ್ ಮೂಲಕ ಉತ್ತರ ನೀಡಿದ್ದಾರೆ.

  ಸ್ಪೀನ್ ಬೌಲಿಂಗ್ ನಲ್ಲಿ ಚೆಂಡನ್ನು ಮೈದಾನದಿಂದ ಹೊರಗಟ್ಟುವ ಮೂಲಕ ತಾನು ಕ್ರಿಕೆಟ್ ಫಾರ್ಮ್ ನಿಂದ ದೂರವಾಗಿಲ್ಲ ಎಂದು ಅಭಿಮಾನಿಗಳಿಗೆ ತೋರಿಸಿಕೊಟ್ಟಿದ್ದಾರೆ. ಇನ್ನು ಮೈದಾನದ ತುದಿಯಲ್ಲಿದ್ದ ಮುರಳಿ ವಿಜಯ್ ಕೂಡ ಧೋನಿಯವರ ಸಿಕ್ಸರ್ ಕಂಡು ದಂಗಾಗಿದ್ದಾರೆ.

   

  All you've got to do is watch this little video till the end and keep looping it. 🦁💛 #WhistlePodu #YelloveGame @msdhoni @mvj888 @russcsk pic.twitter.com/Yz5f1DQbOV

  — Chennai Super Kings (@ChennaiIPL) September 10, 2020