ಅಬುಧಾಬಿ: ಚೆನ್ನೈ ತಂಡದ 13 ಮಂದಿಯಲ್ಲಿ ಸೋಂಕು ದೃಢ

•   Fri, Aug 28 2020 11:19:42 PM



• ಅಬುಧಾಬಿ, ಆ. 28, (DaijiworldNews/SM): ಕೊರೊನಾ ವಿಘ್ನದ ಬಳಿಕ ಐಪಿಎಲ್ ನಿರ್ವಿಘ್ನವಾಗಿ ನಡೆಯಲು ಹತ್ತು ಹಲವು ರೀತಿಯಲ್ಲಿ ತಯಾರಿ ನಡೆಸುತ್ತಿರುವ ಸಂದರ್ಭದಲ್ಲೇ, ಇದೀಗ ಹೊಸತೊಂದು ಸಂಕಟ ಎದುರಾಗಿದೆ.

  

  ಐಪಿಎಲ್ ಸರಣಿ ಹಿನ್ನೆಲೆಯಲ್ಲಿ ಆಗಸ್ಟ್ 12ರಂದೇ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಯುಎಇ ತಲುಪಿದೆ. ಇದೀಗ ತಂಡದ ಪ್ರಮುಖ ಬೌಲರ್ ಸೇರಿದಂತೆ 12 ಸಹಾಯಕ ಸಿಬ್ಬಂದಿಗೆ ಕೊರೋನಾ ಕಾಣಿಸಿಕೊಂಡಿದೆ.

  ಇನ್ನು ಭಾರತದಿಂದ ಯುಎಇ ತೆರಳುವ ಮುನ್ನ ಆಟಗಾರರಿಗೆ ಕೊರೋನಾ ಪರೀಕ್ಷೆಗೆ ಒಳಪಡಿಸಲಾಗಿತ್ತು. ಅ ಸಂದರ್ಭದಲ್ಲಿ ವರದಿ ನೆಗೆಟಿವ್ ಬಂದಿತ್ತು. ಯುಎಇ ತಲುಪಿದ ನಂತರ ಈ ಆಟಗಾರರನ್ನು ಆರು ದಿನಗಳ ಕಾಲ ಕ್ವಾರಂಟೈನ್ ಗೊಳಪಡಿಸಲಾಗಿತ್ತು. ಇದೀಗ ಪರೀಕ್ಷಾ ವರದಿ ಪಾಸಿಟಿವ್ ಬಂದಿದೆ.

  ಇನ್ನು ಕೊರೋನಾ ಹಿನ್ನೆಲೆಯಲ್ಲಿ ಯುನೈಟೆಡ್ ಅರಬ್ ಎಮಿರೇಟ್ಸ್(ಯುಎಇ)ನಲ್ಲಿ ಐಪಿಎಲ್ ನಡೆಯಲಿರುವ ಕಾರಣ ಕೆಲವು ತಂಡಗಳು ಯು ಎ ಇ ಅಂಗಳ ಪ್ರವೇಶಿಸಿವೆ. ಸೆಪ್ಟೆಂಬರ್ 19ರಿಂದ ನವೆಂಬರ್ 10ರ ತನಕ ಐಪಿಎಲ್ ಸರಣಿ ನಡೆಯಲಿದೆ.