ನವದೆಹಲಿ: ಸೆಪ್ಟೆಂಬರ್-ನವಂಬರ್ ನಲ್ಲಿ ಐಪಿಎಲ್ ನಡೆಯುವುದು ಬಹುತೇಕ ಪಕ್ಕಾ

•   Fri, Jul 24 2020 10:45:21 PM



• ನವದೆಹಲಿ, ಜು. (DaijiworldNews/SM): ಐಪಿಎಲ್ ಟೂರ್ನಿ ಅಂದ್ರೆ ಒಂದು ರೀತಿಯ ಹಬ್ಬದಂತೆ. ಪ್ರತಿ ವರ್ಷ ಮಾರ್ಚ್ ಎಪ್ರಿಲ್ ತಿಂಗಳಲ್ಲಿ ಆಯೋಜನೆಯಾಗುತ್ತಿದ್ದ ಟೂರ್ನಿ ಕೊರೊನಾದಿಂದಾಗಿ ಮುಂದೂಡಲ್ಪಟ್ಟು ಅಭಿಮಾನಿಗಳಲ್ಲಿ ನಿರಾಸೆಯನ್ನುಂಟು ಮಾಡಿತ್ತು. ಆದರೆ, ಇದೀಗ ಮತ್ತೆ ಆಶಾಭಾವನೆ ಮೂಡುವಂತೆ ಮಾಡಿದೆ.

  

  ಬಹು ನಿರೀಕ್ಷಿತ ಇಂಡಿಯನ್ ಪ್ರೀಮಿಯರ್ ಲೀಗ್ ಸೆಪ್ಟೆಂಬರ್-ನವಂಬರ್ ತಿಂಗಳಲ್ಲಿ ನಡೆಯುವ ಲಕ್ಷಣಗಳು ಗೋಚರಿಸುತ್ತಿವೆ. ಸೆಪ್ಟೆಂಬರ್ 19ರಂದು ಆರಂಭವಾಗಿ ನವೆಂಬರ್ 8ರ ತನಕ ನಡೆಯಲಿದೆ ಎಂದು ಬಿಸಿಸಿಐ ಮೂಲಗಳು ತಿಳಿಸಿವೆ.

  ಯುನೈಟೆಡ್ ಅರಬ್ ಎಮಿರೇಟ್ಸ್ ನಲ್ಲಿ ಐಪಿಎಲ್ ಆಯೋಜನೆಗೆ ಸಿದ್ಧತೆಗಳು ನಡೆದಿವೆ. ಐಪಿಎಲ್ ಆಡಳಿತ ಮಂಡಳಿ ಮುಂದಿನ ವಾರ ಸಭೆ ಸೇರಲಿದ್ದು ಅಲ್ಲಿ ನಿಗದಿತ ವೇಳಾಪಟ್ಟಿ ಅಂತಿಮಗೊಳ್ಳುವ ಸಾಧ್ಯತೆ ವ್ಯಕ್ತಗೊಂಡಿದೆ. 51 ದಿನಗಳ ಪಂದ್ಯಾವಳಿಯಾಗಿದ್ದು ಫ್ರಾಂಚೈಸಿಗಳು, ಪ್ರಚಾರಕರು ಮತ್ತು ಇತರ ಸಂಬಂಧಪಟ್ಟವರಿಗೆ ಹೊಂದಿಕೆಯಾಗಬೇಕಾಗಿದೆ. ಆದರೆ, ಟೂರ್ನಿ ಆಯೋಜನೆ ಬಹುತೇಕ ಫೈನಲ್ ಆಗುವ ಲಕ್ಷಣಗಳು ಗೋಚರಿಸತೊಡಗಿವೆ.