39ನೇ ವಸಂತಕ್ಕೆ ಕಾಲಿಟ್ಟ ಹೆಲಿಕಾಫ್ಟರ್‌ ಹಿಟ್‌ ಮಾಸ್ಟರ್‌ ಮಹೇಂದ್ರ ಸಿಂಗ್‌ ಧೋನಿ

•   Tue, Jul 07 2020 01:27:27 PM



• ರಾಂಚಿ‌, ಜು 07 (DaijiworldNews/PY): ಟೀಂ ಇಂಡಿಯಾದ ಮಾಜಿ ಕ್ಯಾಪ್ಟನ್‌‌‌‌‌‌ ಮಹೇಂದ್ರ ಸಿಂಗ್‌ ಧೋನಿ ಅವರು ತಮ್ಮ 39ನೇ ಹು‌ಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ.

  

  ಕ್ರಿಕೆಟ್‌ ಆಟದಲ್ಲಿ‌ ಕಂಡ ಅತ್ಯುತ್ತಮ ನಾಯಕರಲ್ಲಿ ಒಬ್ಬರೆಂದು ಪರಿಗಣಿಸಲ್ಪಟ್ಟ ಧೋನಿ 2004 ರಲ್ಲಿ ಭಾರತಕ್ಕೆ ಪಾದಾರ್ಪಣೆ ಮಾಡಿದಾಗಿನಿಂದ ಅಭಿಮಾನಿಗಳ ಮೆಚ್ಚಿನ ಆಟಗಾರರಾಗಿದ್ದು, ಅವರ ಜನ್ಮದಿನವು ಕ್ರಿಕೆಟ್ ಅಭಿಮಾನಿಗಳಿಗೆ ವಿಶೇಷ ದಿನವಾಗಿದೆ.

  ಕೂಲ್‌‌ ಕ್ಯಾಪ್ಟನ್‌ ಧೋನಿ ಅವರು ಭಾರತಕ್ಕೆ ಐಸಿಸಿಯ ಮೂರು ಪ್ರಮುಖ ಟ್ರೋಫಿಗಳನ್ನು ಗೆದ್ದುಕೊಟ್ಟ ವೀರ. ಹೆಲಿಕಾಫ್ಟರ್‌ ಹಿಟ್‌ ಮಾಸ್ಟರ್‌‌, ಚೆನ್ನೈ ಅಭಿಮಾನಿಗಳ ನೆಚ್ಚಿನ ಥಾಲಾ ಇವರು. ಮೂರು ಮಾದರಿಯ ನಾಯಕನಾಗಿ ಮಿಂಚಿ ಉತ್ತುಂಗದ ಶಿಖರಕ್ಕೆ ಏರಿದವರು.

  ಎಂಎಸ್‌‌ಡಿ ಅವರು 1981ರ ಜು7ರಂದು ರಾಂಚಿಯಲ್ಲಿ ಜನಿಸಿದರು. ಆರಂಭದ ದಿನಗಳಲ್ಲಿ ಕಷ್ಟಗಳನ್ನು ಕಂಡಿದ್ದ ಅವರು, ರೈಲ್ವೇ ಟಿಕೆಟ್‌‌ ಕಲೆಕ್ಟರ್‌‌ ಆಗಿ ಕೆಲಸ ಮಾಡಿದ್ದರು. ಇದೀಗ ಅವರು ಕ್ರಿಕೆಟ್‌‌ ಕ್ರೀಡೆಯಲ್ಲಿ ಕಂಡ ಅತ್ಯುತ್ತಮ ನಾಯಕರಲ್ಲಿ ಒಬ್ಬರಾಗಿದ್ದಾರೆ.

  2007 ಟಿ 20 ವಿಶ್ವಕಪ್, 2011 ಏಕದಿನ ವಿಶ್ವಕಪ್ ಮತ್ತು 2013 ಐಸಿಸಿ ಚಾಂಪಿಯನ್ಸ್‌ ಟ್ರೋಫಿ ಗಳಿಸಿ, ಮೂರು ಐಸಿಸಿ ಪಂದ್ಯಾವಳಿಗಳನ್ನು ಗೆದ್ದ ಮೊದಲ ನಾಯಕ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.