ಮುಂಬೈ: ಕಪಿಲ್ ದೇವ್ ಉತ್ತಮ ಮ್ಯಾಚ್ ವಿನ್ನರ್-ಸುನಿಲ್ ಗವಾಸ್ಕರ್

•   Thu, Jun 25 2020 11:23:29 PM



• ಮುಂಬೈ, ಜೂ 25 (DaijiworldNews/SM): ಮೊದಲ ಬಾರಿಗೆ ಭಾರತ ವಿಶ್ವಕಪ್ ಗೆದ್ದ ಸಂದರ್ಭ ಅದ್ಭುತ ಪ್ರದರ್ಶನ ತೋರಿರುವ ಕಪಿಲ್‌ ದೇವ್‌ ಉತ್ತಮ ಮ್ಯಾಚ್ ವಿನ್ನರ್ ಎಂಬುವುದಾಗಿ ಮಾಜಿ ನಾಯಕ ಸುನಿಲ್‌ ಗವಾಸ್ಕರ್ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

  

  ಟೀಂ ಇಂಡೀಯಾದ ಮಾಜಿ ನಾಯಕ ಸುನಿಲ್ ಗವಾಸ್ಕರ್ ಹೇಳುವಂತೆ, ಭಾರತದ ಇತಿಹಾಸದಲ್ಲೇ ಕಪಿಲ್ ದೇವ್ ಶ್ರೇಷ್ಟ ಮ್ಯಾಚ್ ವಿನ್ನರ್ ಆಗಿದ್ದಾರೆ. ಬ್ಯಾಟಿಂಗ್ ಹಾಗೂ ಬೌಲಿಂಗ್ ಎರಡೂ ವಿಭಾಗಗಳಲ್ಲಿ ಉತ್ತಮ ಹಿಡಿತಹೊಂಡಿದ್ದಾರೆ. ಇದು ತಂಡಕ್ಕೆ ಮತ್ತಷ್ಟು ನೆರವಾಗುತ್ತದೆ. ಇದುವೇ ತಂಡ ವಿಶ್ವ ಕಪ್ ಗೆಲ್ಲಲು ನೆರವಾಗಿತ್ತು ಎಂದು ನೆನಪಿಸಿಕೊಂಡಿದ್ದಾರೆ.

  ಭಾರತ 1983ರಲ್ಲಿ ತನ್ನ ಚೊಚ್ಚಲ ಐಸಿಸಿ ಕ್ರಿಕೆಟ್‌ ವಿಶ್ವಕಪ್‌ ಟೂರ್ನಿ ಗೆದ್ದುಕೊಂಡಿತ್ತು. 37 ವರ್ಷಗಳ ಹಿಂದಿನ ಕಹಾನಿ ಇದಾಗಿದೆ. ಆ ಸಂದರ್ಭದಲ್ಲಿ ಕಪಿಲ್ ದೇವ್ ಉತ್ತಮ ಪ್ರದರ್ಶನ ನೀಡಿ ಸರ್ವಶ್ರೇಷ್ಠ ಮ್ಯಾಚ್‌ ವಿನ್ನರ್‌ ಎಂದು ಗುರುತಿಸಿಕೊಂಡಿದ್ದಾರೆ. ಕಪಿಲ್‌ ಅದ್ಭುತವಾಗಿ ಬೌಲಿಂಗ್‌ ಮಾಡುತ್ತಿದ್ದರು. ಮಾತ್ರವಲ್ಲದೆ, ಸ್ಟಂಪ್ಸ್‌ಗೆ ಬಹಳ ದೂರದಿಂದ ಚೆಂಡನ್ನು ಎಸೆಯುವ ಚಾಣಕ್ಷ್ಯತಣಹೊಂದಿದ್ದರು ಎಂಬುವುದನ್ನು ಸುನಿಲ್ ಗವಾಸ್ಕರ್ ನೆನಪಿಸಿಕೊಂಡಿದ್ದಾರೆ.