ಮುಂಬೈ: ಭಾರತ-ಶ್ರೀಲಂಕಾ ಸರಣಿಗೆ ಕೊರೊನಾ ಕರಿ ನೆರಳು-ಸರಣಿ ರದ್ದು

•   Thu, Jun 11 2020 10:08:44 PM



• ಮುಂಬೈ, ಜೂ. 11 (DaijiworldNews/SM): ಕೊರೊನಾ ಮಹಾಮಾರಿಯ ಅಬ್ಬರಕ್ಕೆ ಕ್ರೀಡಾಕೂಟಗಳು ಮುಂಡೂಡಲ್ಪಟ್ಟಿವೆ. ಆದರೆ ಇದೀಗ ಕೆಲವೊಂದು ರದ್ದುಗೊಳ್ಳುತ್ತಿವೆ. ಇದೀಗ ಭಾರತ ಹಾಗೂ ಶ್ರೀಲಂಕಾ ನಡುವಿನ ಸರಣಿ ರದ್ದಾಗಿದೆ. ಕೊರೋನಾ ವೈರಸ್ ಪರಿಣಾಮದಿಂದಾಗಿ ಶ್ರೀಲಂಕಾದಲ್ಲಿ ನಡೆಯಬೇಕಿದ್ದ ಭಾರತ-ಶ್ರೀಲಂಕಾ ತಂಡಗಳ ನಡುವಿನ ಕ್ರಿಕೆಟ್ ಸರಣಿ ರದ್ದಾಗಿದೆ.

  

  ಈ ಬಗ್ಗೆ ಎರಡು ರಾಷ್ಟ್ರಗಳ ಕ್ರಿಕೆಟ್ ನಿಯಂತ್ರಣ ಮಂಡಳಿಗಳು ಸಮನ್ವಯದ ನಿರ್ಧಾರಗಳನ್ನು ಕೈಗೊಂಡಿವೆ.ಈಗಾಗಲೇ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ಅಧಿಕೃತ ಪ್ರಕಟಣೆ ಹೊರಡಿಸಿದೆ. ಉಭಯ ತಂಡಗಳ ನಡುವಿನ ಕ್ರಿಕೆಟ್ ಸರಣಿಯನ್ನು ರದ್ದುಗೊಳಿಸಲಾಗಿದೆ ಎಂಡು ಮಾಹಿತಿ ನೀಡಿದೆ. ಇನ್ನು ಈ ಬಗ್ಗೆ ಶ್ರೀಲಂಕಾ ಕ್ರಿಕೆಟ್ ನಿಯಂತ್ರಣ ಮಂಡಳಿ ಕೂಡ ಸ್ಪಷ್ಟಪಡಿಸಿದೆ.

  ಇನ್ನು ಭಾರತ-ಶ್ರೀಲಂಕಾ ನಡುವಿನ ಪಂದ್ಯಕ್ಕೆ ಟೀಂ ಇಂಡಿಯಾ ಪ್ರವಾಸ ಕೈಗೊಳ್ಳಬೇಕಾಗಿತ್ತು. ಲಂಕಾ ಅಂಗಳದಲ್ಲಿ ಮೂರು ಏಕದಿನ, ಮೂರು ಟಿ20 ಪಂದ್ಯಗಳನ್ನು ಆಡುವ ಬಗ್ಗೆ ನಿರ್ಧಾರವಾಗಿತ್ತು. ಆದರೆ ಅಂತಿಮವಾಗಿ ಸರಣಿ ರದ್ದಾಗಿದೆ. ಕ್ರಿಕೆಟ್ ಅಭಿಮಾನಿಗಳಿಗೆ ನಿರಾಸೆಯುಂಟಾಗಿದೆ.