ನವದೆಹಲಿ: ಐಪಿಎಲ್ ಸರಣಿ ನಡೆಸುವ ಬಗ್ಗೆ ಪರಿಸ್ಥಿತಿ ಸರಿಯಾದ ಬಳಿಕ ನಿರ್ಧಾರ-ಬಿಸಿಸಿಐ

•   Sat, May 09 2020 11:03:51 PM



• ನವದೆಹಲಿ, ಮೇ 09 (DaijiworldNews/SM): ಕೊರೊನಾ ವೈರಸ್ ಜಾಗತಿಕವಾಗಿ ದಿನದಿಂದ ದಿನಕ್ಕೆ ಏರುಗತಿಯಲ್ಲಿ ಸಾಗುತ್ತಿದೆ. ಇದನ್ನು ತಡೆಯುವ ನಿಟ್ಟಿನಲ್ಲಿ ಹಲವು ರೀತಿಯಲ್ಲಿ ಪ್ರಯತ್ನಗಳನ್ನು ನಡೆಸಲಾಗುತ್ತದೆ. ಇದರಿಂದಾಗಿ ಮುಂದೂಡಲ್ಪಟ್ಟ ಐಪಿಎಲ್ ಸರಣಿ ನಡೆಸುವ ವಿಚಾರಕ್ಕೆ ಸಂಬಂಧಿಸಿ ಹಲವು ಆಯಾಮಗಳಲ್ಲಿ ಚರ್ಚೆಗಳು ನಡೆಯುತ್ತಿವೆ.

  

  ಆದರೆ ಇದೀಗ ಬಿಸಿಸಿಐ ಈ ವಿಚಾರಕ್ಕೆ ಸಂಬಂಧಿಸಿದಂತೆ ಸ್ಪಷ್ಟನೆ ನೀಡಿದ್ದು, ಕ್ರಿಕೆಟ್ ಪುನರಾರಂಭಗೊಂಡ ನಂತರವೇ ಐಪಿಎಲ್ ಬಗ್ಗೆ ನಿರ್ಧಾರ ತೆಗೆದುಕೊಳ್ಳಲಾಗುವುದು ಎಂದು ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿ ಮಾಹಿತಿ ನೀಡಿದೆ.

  ಐಪಿಎಲ್ ನ 13ನೇ ಆವೃತ್ತಿ ಮುಂದೂಡುವ ಬಗ್ಗೆ ಮಂಡಳಿ ಯೋಚಿಸುತ್ತಿಲ್ಲ. ಆದರೆ, ಪಂದ್ಯಾವಳಿಗಳನ್ನು ಯಾವಾಗ ನಡೆಸಬೇಕು ಎಂದು ಪರಿಸ್ಥಿತಿ ಸರಿಯಾದ ಬಳಿಕ ನಿರ್ಧರಿಸಲಿದೆ ಎಂದು ಬಿಸಿಸಿಐ ತಿಳಿಸಿದೆ.