ನವದೆಹಲಿ: ಐಪಿಎಲ್ ಸರಣಿ ನಡೆಯದಿದ್ದಲ್ಲಿ ತಂಡಕ್ಕೆ ಧೋನಿ ಆಯ್ಕೆ ಅನುಮಾನ

•   Mon, Apr 13 2020 11:19:30 PM



• ನವದೆಹಲಿ, ಏ 13 (DaijiworldNews/SM): ಕೊರೊನಾ ಮಹಾಮಾರಿಯಿಂದಾಗಿ ಈ ಸಲ ಐಪಿಎಲ್ ಸರಣಿ ನಡೆಯುವುದು ಅನುಮಾನ. ಒಂದೊಮ್ಮೆ ಸರಣಿ ನಡೆಯದಿದ್ದಲ್ಲಿ, ಟೀಂ ಇಂಡಿಯಾದಲ್ಲಿ ಮಹೇಂದ್ರ ಸಿಂಗ್ ಧೋನಿಗೆ ಸ್ಥಾನ ಸಿಗುವುದು ಅನುಮಾನ ಎನ್ನಲಾಗುತ್ತಿದೆ. ಇದಕ್ಕೆ ಪೂರಕವೆಂಬಂತೆ ಇದೀಗ ಸಂಸದ ಗೌತಮ್ ಗಂಭೀರ್ ಕೂಡ ಪ್ರತಿಕ್ರಿಯೆ ನೀಡಿದ್ದಾರೆ.

  

  ಸಂದರ್ಶನವೊಂದರಲ್ಲಿ ಮಾತನಾಡಿರುವ ಅವರು, ಒಂದೊಮ್ಮೆ ಈ ಬಾರಿ ಐಪಿಎಲ್ ಸರಣಿ ನಡೆಯದಿದ್ದಲ್ಲಿ, ಮಹೇಂದ್ರ ಸಿಂಗ್ ಧೋನಿ ತಂಡಕ್ಕೆ ಮರಳುವುದು ಅನುಮಾನ ಎಂದಿದ್ದಾರೆ. ಧೋನಿ ತಂಡಕ್ಕೆ ಮರಳುವ ಹಾದಿ ಕಠಿಣವಾಗಿದೆ ಎಂದು ಅವರು ಪ್ರತಿಕ್ರಿಯೆ ನೀಡಿದ್ದಾರೆ.

  ಕಳೆದ ಸುಮಾರು ಒಂದುವರೇ ವರ್ಷದಿಂದ ಧೋನಿ ಕ್ರಿಕೆಟ್ ನಲ್ಲಿ ಭಾಗವಹಿಸಿಲ್ಲ. ಈ ಕಾರಣದಿಂದ ಅವರನ್ನು ತಂಡಕ್ಕೆ ಆಯ್ಕೆ ಮಾಡುವುದು ಅನುಮಾನವೇ ಆಗಿದೆ. ಹೀಗಾಗಿ ಅವರ ಸ್ಥಾನಕ್ಕೆ ಕೆ.ಎಲ್. ರಾಹುಲ್ ಆಯ್ಕೆ ಬಹುತೇಕ ಖಚಿತವಾಗಲಿದೆ ಎಂದಿದ್ದಾರೆ. ಅಲ್ಲದೆ, ರಾಹುಲ್ ಸೂಕ್ತ ಸಂಭಾವ್ಯ ಆಟಗಾರರನಾಗಿದ್ದಾರೆ ಎಂದು ಗೌತಮ್ ಗಂಭೀರ್ ನುಡಿದಿದ್ದಾರೆ.