ನವದೆಹಲಿ: ಧೋನಿ ನಾಯಕತ್ವದ ಸಂದರ್ಭ ಯುವರಾಜ್ ಸಿಂಗ್ ಉತ್ತಮ ಪ್ರದರ್ಶನ ನೀಡಿದ್ದರು

•   Wed, Apr 08 2020 11:27:27 PM



• ನವದೆಹಲಿ, ಏ 08 (DaijiworldNews/SM): ಭಾರತೀಯ ಕ್ರಿಕೆಟ್ ತಂಡದ ಕೆಲವೊಬ್ಬ ಮಾಜಿ ಆಟಗಾರರು ಇದೀಗ ತಮ್ಮ ಅಸಮಾಧಾನ ಹೊರಹಾಕುತ್ತಿದ್ದಾರೆ. ಟೀಂ ಇಂಡಿಯಾದ ಆಲ್ ರೌಂಡರ್ ಆಟಗಾರ ಯುವರಾಜ್ ಸಿಂಗ್ ಅಸಮಾಧಾನ ಹೊರಹಾಕಿದ್ದ ಬೆನ್ನಲ್ಲೇ, ಆಶಿಶ್ ನೆಹ್ರಾ ಅವರು ಯುವರಾಜ್ ಪರ ಬ್ಯಾಟ್ ಬೀಸಿದ್ದಾರೆ. ಯುವರಾಜ್ ಸಿಂಗ್ ಗೆ ಧೋನಿಗಿಂತಲೂ ಗಂಗೂಲಿಯವರು ಹೆಚ್ಚಿನ ಬೆಂಬಲ ನೀಡಿದ್ದಾರೆ ಎಂದು ತಿಳಿಸಿದ್ದಾರೆ.

  

  ತಾನು ತಿಳಿದ ಮಟ್ಟಿಗೆ ಯುವರಾಜ್ ಸಿಂಗ್ ಉತ್ತಮ ಆಲ್ ರೌಂಡರ್ ಆಟಗಾರರಾಗಿದ್ದಾರೆ. 2007 ಮತ್ತು 2008 ರಲ್ಲಿ ಅವರು ಬ್ಯಾಟಿಂಗ್ ಮಾಡಿದ ರೀತಿ ನಿಷ್ಪಾಪವಾಗಿದೆ ಮತ್ತು 2011 ರಲ್ಲಿ ಅವರು ತಮ್ಮ ಅನಾರೋಗ್ಯವನ್ನು ಹೇಗೆ ಧೈರ್ಯಶಾಲಿಯಾಗಿತ್ತು. ಮಹೇಂದ್ರ ಸಿಂಗ್ ಧೋನಿ ನಾಯಕತ್ವದಲ್ಲಿದ್ದ ಸಂದರ್ಭದಲ್ಲಿ ಯುವಿ ಉತ್ತಮ ಪ್ರದರ್ಶನ ನೀಡಿದ್ದಾರೆ ಎಂದರು.

  ಟೀಂ ಇಂಡಿಯಾ 2011ರಲ್ಲಿ ವಿಶ್ವಕಪ್‌ ಗೆದ್ದ ಸಂದರ್ಭದಲ್ಲಿ ಯುವರಾಜ್ ಕ್ಯಾನ್ಸರ್ ನಿಂದ ಬಳಲುತ್ತಿದ್ದರು. ಆದರೂ ದೈರ್ಯಗುಂದದೆ ಕ್ಯಾನ್ಸರ್ ಹಾಗೂ ಕ್ರಿಕೆಟ್ ನಲ್ಲೂ ಹೋರಾಟ ನಡೆಸಿದ್ದಾರೆ. ಹಾಗೂ ವಿಶ್ವಕಪ್ ಗೆಲ್ಲುವಲ್ಲಿ ಅವರು ಕೂಡ ಪ್ರಮುಖ ಪಾತ್ರವಹಿಸಿದ್ದಾರೆ ಎಂದು ಆಶಿಶ್ ನೆಹ್ರಾ ತಿಳಿಸಿದ್ದಾರೆ.