ಧರ್ಮಶಾಲಾದ ಮೊದಲ ಪಂದ್ಯದಲ್ಲಿ ದ.ಆಫ್ರಿಕಾಕ್ಕೆ ಧರ್ಮದೇಟು ನೀಡುವುದೇ ಭಾರತ

•   Wed, Mar 11 2020 11:48:28 PM



• ಧರ್ಮಶಾಲಾ, ಮಾ 11 (DaijiworldNews/SM): ಗೆಲುವಿನ ನಾಗಾಲೋಟದಲ್ಲೇ ಇದ್ದ ಭಾರತದ ಓಟಕ್ಕೆ ಕಳೆದ ಕೆಲವು ಸರಣಿಗಳು ಬ್ರೇಕ್ ಹಾಕಿವೆ. ಟೀಂ ಇಂಡಿಯಾ ಗಳಿಸಿದ್ದ ಪ್ರತಿಷ್ಠೆಯನ್ನು ಸತತ ಸೋಲುಗಳ ಮೂಲಕ ಕಳೆದುಕೊಂಡಿದೆ. ಇದೀಗ ಮತ್ತೆ ಪ್ರತಿಷ್ಠೆಯ ಕದನಕ್ಕೆ ಟೀಂ ಇಂಡಿಯಾ ರೆಡಿಯಾಗಿದ್ದು, ಮಾರ್ಚ್ 12ರ ಗುರುವಾರದಿಂದ ದಕ್ಷಿಣ ಆಫ್ರಿಕಾ ವಿರುದ್ಧ ಏಕದಿನ ಸರಣಿ ಆರಂಭಗೊಳ್ಳಲಿದೆ.

  

  ಭಾರತ ಮತ್ತು ದಕ್ಷಿಣ ಆಫ್ರಿಕಾ ನಡುವಿನ ಮೂರು ಪಂದ್ಯಗಳ ಏಕದಿನ ಸರಣಿಯ ಮೊದಲ ಪಂದ್ಯ ಧರ್ಮಶಾಲಾ ಅಂಗಳದಲ್ಲಿ ನಡೆಯಲಿದೆ. ವಿಶ್ವದೆಲ್ಲೆಡೆ ಕೊರೋನಾ ಅಬ್ಬರ ಹೆಚ್ಚಾಗುತ್ತಿರುವ ಸಂದರ್ಭ ಸಭೇ ಸಮಾರಂಭಗಳು ಕ್ರೀಡಾಕೂಟಗಳು ರದ್ದಾಗುತ್ತಿವೆ. ಆದರೆ, ಭಾರತ ಹಾಗೂ ದಕ್ಷಿಣ ಆಫ್ರಿಕಾ ತಂಡಗಳ ನಡುವೆ ಸರಣಿ ನಡೆಯಲಿದ್ದು, ಇದಕ್ಕೆ ಯಾವುದೇ ಅಡ್ಡಿಯಿಲ್ಲ. ಅಲ್ಲದೆ ಈ ಏಕದಿನ ಸರಣಿ ಆಯೋಜನೆಗೊಳ್ಳುವ ಮೂಲಕ ಎಲ್ಲರ ಆಕರ್ಷಣೆಯ ಕೇಂದ್ರ ಬಿಂದುವಾಗಿದೆ.

  ಇನ್ನು ಕೊರೊನಾ ಭೀತಿಯಿಂದ ಪ್ರೇಕ್ಷಕರು ಪಂದ್ಯದಿಂದ ದೂರ ಉಳಿಯುವ ಸಾಧ್ಯತೆ ಹೆಚ್ಚಾಗಿದೆ. ಆದರೆ, ಕ್ರಿಕೆಟ್ ತನ್ನ ಸರ್ವಸ್ವ ಎಂಬತೆ ಪೂಜಿಸುವವ ಅಭಿಮಾನಿಗಳು ಮೈದಾನದತ್ತ ಸುಳಿಯುವುದು ಸಾಮಾನ್ಯವಾಗಿರಲಿದೆ. ಇನ್ನು ಇಲ್ಲಿನ ಕ್ರಿಕೆಟ್ ಸಂಸ್ಥೆ ಸೂಕ್ತ ಮುನ್ನೆಚ್ಚರಿಕೆ ವಹಿಸಿಕೊಂಡಿದ್ದು, ಆತಂಕಕ್ಕೆ ಅವಕಾಶವೇ ಇಲ್ಲ ಎಂಬಂತಾಗಿದೆ.