ಟಿ ಟ್ವೆಂಟಿ ರ್‍ಯಾಂಕಿಂಗ್‌ನಲ್ಲಿ ಉನ್ನತ ಸ್ಥಾನಕ್ಕೇರಿದ ಕೊಹ್ಲಿ, ಧವನ್‌, 6ನೇ ಸ್ಥಾನಕ್ಕೆ ಕೆ ಎಲ್‌ ರಾಹುಲ್‌

•   Sat, Jan 11 2020 03:56:07 PM



• ದುಬೈ‌, ಜ.11 (Daijiworld News/PY) : ಟಿ ಟ್ವೆಂಟಿ ರ್‍ಯಾಂಕಿಂಗ್‌ ಅನ್ನು ಐಸಿಸಿ ಬಿಡುಗಡೆ ಮಾಡಿದ್ದು, ರ್‍ಯಾಂಕಿಗ್‌ನಲ್ಲಿ ಕೊಹ್ಲಿ ಹಾಗೂ ಧವನ್‌ ಉನ್ನತ ಸ್ಥಾನಕ್ಕೇರಿದ್ದಾರೆ.

  

  ಶ್ರೀಲಂಕಾ ವಿರುದ್ದ ಟಿ ಟ್ವೆಂಟಿ ಸರಣಿಯ ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ನೀಡಿ ಕೆ ಎಲ್‌ ರಾಹುಲ್‌ 26 ಅಂಕಗಳನ್ನು ಪಡೆದು 6ನೇ ಸ್ಥಾನದಲ್ಲಿಯೇ ಉಳಿದಿದ್ದಾರೆ. ಭಾರತ ಆಟಗಾರರ ಮಟ್ಟಿಗೆ ಕೆ ಎಲ್‌ ರಾಹುಲ್‌ ರ್‍ಯಾಂಕಿಂಗ್‌ನಲ್ಲಿ ಅಗ್ರಸ್ಥಾನಿಯಾಗಿದ್ದಾರೆ.
  
  ಉತ್ತಮ ಬ್ಯಾಂಟಿಂಗ್‌ ಮಾಡಿ ನಾಯಕ ವಿರಾಟ್‌ ಕೊಹ್ಲಿ 9ನೇ ಸ್ಥಾನ ಪಡೆದುಕೊಂಡಿದ್ದಾರೆ ಹಾಗೂ ಉತ್ತಮ ಕಮ್‌ ಬ್ಯಾಕ್‌ ಮಾಡಿರುವ ಶಿಖರ್‌ ಧವನ್‌ 15ನೇ ಸ್ಥಾನದಲ್ಲಿದ್ದಾರೆ. ಪಾಕಿಸ್ಥಾನದ ಆಟಗಾರ ಬಾಬರ್ ಅಜಮ್ ಅವರ ರ್‍ಯಾಂಕಿಂಗ್‌ನಲ್ಲಿ ಯಾವುದೇ ಬದಲಾವಣೆ ಇಲ್ಲದ ಕಾರಣ ಪ್ರಥಮ ಸ್ಥಾನದಲ್ಲಿಯೇ ಮುಂದುವರೆದಿದ್ದಾರೆ.

  ಟ್ವಿ ಟ್ವೆಂಟಿ ಸರಣಿಯ ತೃತೀಯ ಪಂದ್ಯದಲ್ಲಿ ಅರ್ಧಶತಕ ಬಾರಿಸಿದ ಶ್ರೀಲಂಕಾದ ಆಟಗಾರ ಧನಂಜತ್ ಡಿ ಸಿಲ್ವ 72 ಸ್ಥಾನಗಳನ್ನು ಮೇಲೇರಿದ್ದು 115ನೇ ಸ್ಥಾನಕ್ಕೆ ತಲುಪಿದ್ದಾರೆ.

  ಇನ್ನು ಬೌಲರ್‌ಗಳ ಪಟ್ಟಿಯ ರ್‍ಯಾಂಕಿಂಗ್‌ ನೋಡುವುದಾದರೆ ಜಸ್ಪ್ರಿತ್‌ ಬುಮ್ರಾ 39ನೇ ಸ್ಥಾನ ಪಡೆದುಕೊಂಡಿದ್ದು, ಶಾರ್ದೂಲ್ ಠಾಕೂರ್ 92ನೇ ಸ್ಥಾನ ಪಡೆದುಕೊಂಡಿದ್ಧಾರೆ.