ಮಗನ ನಿಶ್ಚಿತಾರ್ಥದ ಬಗ್ಗೆ ನಮಗೆ ತಿಳಿದೇ ಇಲ್ಲ - ಹಾರ್ದಿಕ್‌ ತಂದೆ

•   Sat, Jan 04 2020 05:30:35 PM



• ಮುಂಬೈ ,ಜ.04 (Daijiworld News/PY) : ಭಾರತದ ತಂಡದ ಆಲ್ರೌಂಡರ್ ಆಟಗಾರ ಹಾರ್ದಿಕ್‌ ಪಾಂಡ್ಯ ಇತ್ತೀಚೆಗೆ ಬಾಲಿವುಡ್‌ ನಟಿ ನತಾಶಾ ಸ್ಟಾಂಕೋವಕ್‌ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದು, ನಿಶ್ಚಿತಾರ್ಥದ ಪೋಟೋಗಳನ್ನು ಸಾಮಾಜಿಕ ಜಾಲತಾಣಗಲ್ಲಿ ಪೋಸ್ಟ್‌ ಮಾಡಿದ್ದಾರೆ.

  

  ಮಗನ ನಿಶ್ಚಿತಾರ್ಥದ ಬಗ್ಗೆ ಪ್ರತಿಕ್ರಿಯಿಸಿದ ಹಾರ್ದಿಕ್‌ ತಂದೆ, ನಟಾಶಾ ತುಂಬಾ ಒಳ್ಳೆಯ ಹುಡುಗಿ, ಅವರ ಕುಟುಂಬವೂ ಈ ಹಿಂದೆ ನಾವು ಅವರನ್ನು ಭೇಟಿಯಾಗಿದ್ದೆವು. ಹಾರ್ದಿಕ್‌ ಹಾಗೂ ನಟಾಶಾ ದುಬೈಗೆ ಹೋಗಿದ್ದಾರೆ ಎಂಬುದು ತಿಳಿದಿತ್ತು, ಆದರೆ ಅವರು ನಿಶ್ಚಿತಾರ್ಥ ಮಾಡಿಕೊಳ್ಳುತ್ತಿದ್ದಾರೆ ಎಂಬ ವಿಚಾರದ ಬಗ್ಗೆ ನಮಗೆ ತಿಳಿದೇ ಇಲ್ಲ. ಮಗನ ನಿಶ್ಚಿತಾರ್ಥದ ವಿಚಾರ ನಮ್ಮನ್ನು ಆಶ್ಚರ್ಯಗೊಳಿಸಿದೆ ಎಂದು ತಿಳಿಸಿದರು.

  ಹಾರ್ದಿಕ್‌ ಹಾಗೂ ನಟಾಶಾ ಅವರು ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ ಆದರೆ ಶೀಘ್ರವೇ ಮದುವೆಯಾಗುವ ಯಾವುದೇ ಯೋಜನೆಯನ್ನು ಹೊಂದಿಲ್ಲ ಎಂದು ಹಾರ್ದಿಕ್‌ ಪಾಂಡ್ಯಾರ ಸ್ನೇಹಿತರೊಬ್ಬರು ತಿಳಿಸಿದ್ದಾರೆ.