ಮುಂಬೈ: ಮಾರ್ಚ್ 29ರಂದು ವಾಂಖೆಡೆಯಲ್ಲಿ 2020ರ ಐಪಿಎಲ್ ಆರಂಭ

•   Tue, Dec 31 2019 11:10:24 PM



• ಮುಂಬೈ, ಡಿ 31 (DaijiworldNews/SM): ಇಂಡಿಯನ್ ಪ್ರೀಮಿಯರ್ ಲೀಗ್‌ 13ನೇ ಆವೃತ್ತಿಗೆ ಅಭಿಮಾನಿಗಳು ಕಾತರ ಕಾಯುತ್ತಿದ್ದಾರೆ. ೨೦೨೦ರ ಮಾರ್ಚ್ ಅಂತ್ಯಕ್ಕೆ ಪಂದ್ಯಗಳು ಆರಂಭಗೊಳ್ಳಲಿವೆ.

  
  

  
  ಮಾರ್ಚ್ 29 ರಂದು ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ಐಪಿಎಲ್ ಶುಭಾರಂಭಗೊಳ್ಳಲಿದೆ. ಆತಿಥೇಯ ಹಾಗೂ ನಾಲ್ಕು ಬಾರಿಯ ಚಾಂಪಿಯನ್ಸ್‌ ಮುಂಬೈ ಇಂಡಿಯನ್ಸ್ ತನ್ನ ತವರು ನೆಲದಲ್ಲಿ 13ನೇ ಆವೃತ್ತಿ ಆರಂಭಿಸಲಿದೆ. ತವರಿನಲ್ಲಿ ಅಬ್ಬರಿಸಲು ಮುಂಬೈ ತಂಡದ ಲೆಕ್ಕಾಚಾರವಾಗಿದೆ. ಹಾಲಿ ಚಾಂಪಿಯನ್ ಆಗಿರುವ ಮುಂಬೈ ತಂಡ ವಾಂಖೆಡೆ ಕ್ರೀಡಾಂಗಣದಲ್ಲಿ ಶುಭಾರಂಭಗೊಳಿಸುವ ಸಾಧ್ಯತೆ ಹೆಚ್ಚಿದೆ.

  ಇನ್ನು ಈ ಬಾರಿಯ ಐಪಿಎಲ್ ನಲ್ಲಿ ಕೆಲವು ಪ್ರಮುಖ ಆಟಗಾರರು ಅಲಭ್ಯರಾಗಿದ್ದಾರೆ. ಕೆಲವು ಆಟಗಾರರು ಅರ್ಧ ಪಂದ್ಯಗಳಿಗೆ ಲಭ್ಯರಿಲರಿದ್ದಾರೆ. ಆಸ್ಟ್ರೇಲಿಯಾ-ನ್ಯೂಜಿಲೆಂಡ್‌ ತಂಡಗಳು ಟಿ20- ಕ್ರಿಕೆಟ್‌ ಸರಣಿ ಮತ್ತು ಇಂಗ್ಲೆಂಡ್‌-ಶ್ರೀಲಂಕಾ ತಂಡಗಳು ಟೆಸ್ಟ್‌ ಸರಣಿಗಳಲ್ಲಿ ಆಡುವುದರಿಂದ ಪ್ರಾಥಮಿಕ ಐಪಿಎಲ್‌ ಪಂದ್ಯಗಳಿಗೆ ಅಲಭ್ಯರಾಗಲಿದ್ದಾರೆ. ಈ ಎರಡೂ ಸರಣಿಗಳು ಮಾರ್ಚ್‌ 31ರಂದು ಅಂತ್ಯಗೊಳ್ಳಲಿದೆ.