ದುಬೈ: ಟೆಸ್ಟ್ ರ್‍ಯಾಂಕಿಂಗ್ ನಲ್ಲಿ ಮತ್ತೆ ಅಗ್ರಸ್ಥಾನಕ್ಕೇರಿದ ವಿರಾಟ್ ಕೊಹ್ಲಿ

•   Mon, Dec 16 2019 10:37:43 PM



• ದುಬೈ, ಡಿ 16 (DaijiworldNews/SM): ಟೆಸ್ಟ್ ಕ್ರಿಕೆಟ್ ನಲ್ಲಿ ಬ್ಯಾಟಿಂಗ್ ವಿಭಾಗದಲ್ಲಿ ತನ್ನ ಅಗ್ರಸ್ಥಾನವನ್ನು ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಉಳಿಸಿಕೊಂಡಿದ್ದಾರೆ. ಅಂತಾರಾಷ್ಟೀಯ ಕ್ರಿಕೆಟ್ ಸಮಿತಿ ಸೋಮವಾರ ನೂತನ ರ್‍ಯಾಂಕಿಂಗ್ ಲೀಸ್ಟ್ ರಿಲೀಸ್ ಮಾಡಿದ್ದು, ಇದರಲ್ಲಿ ಕೊಹ್ಲಿ ತನ್ನ ಅಗ್ರಸ್ಥಾನವನ್ನೇ ಮುಂದುವರೆಸಿದ್ದಾರೆ.

  

  ಕಳೆದ ಆಸಿಸ್ ಸರಣಿಯಲ್ಲಿ ಗಮನಾರ್ಹ ಪ್ರದರ್ಶನ ನೀಡುವ ಮೂಲಕ ಆಸ್ಟ್ರೇಲಿಯಾದ ಸ್ಟೀವನ್ ಸ್ಮಿತ್‌ ಅವರು ಮೊದಲ ಸ್ಥಾನಕ್ಕೇರಿದ್ದರು. ಈ ನಡುವೆ ಕಳೆದ ತಿಂಗಳು ಈಡನ್ ಗಾರ್ಡನ್ಸ್ನಲ್ಲಿ ನಡೆದ ಬಾಂಗ್ಲಾದೇಶ ವಿರುದ್ಧದ ಪಂದ್ಯದಲ್ಲಿ 136 ರನ್ ಗಳ ಶತಕ ಸಿಡಿಸಿದ್ದ ಕೊಹ್ಲಿ ಮತ್ತೆ ತಮ್ಮ ಮೊದಲ ಸ್ಥಾನಕ್ಕೇರಲು ಶಕ್ತರಾಗಿದ್ದಾರೆ.

  ಆದರೆ ಸ್ಮಿತ್ ಅವರಿಗೆ ಅಗ್ರಸ್ಥಾನಕ್ಕೇರಲು ಅವಕಾಶವಿತ್ತಾದರೂ, ಅವರು ವಿಷಲರಾದರು. ಭಾನುವಾರ ಮುಕ್ತಾಯವಾಗಿದ್ದ ನ್ಯೂಜಿಲೆಂಡ್ ವಿರುದ್ಧ ಮೊದಲನೇ ಟೆಸ್ಟ್ ಪಂದ್ಯದಲ್ಲಿ ಸ್ಮಿತ್ ಕ್ರಮವಾಗಿ 43 ಹಾಗೂ 16 ರನ್‌ ಗಳಿಸಲಷ್ಟೇ ಶಕ್ತರಾದರು. ಕೊಹ್ಲಿ ಖಾತೆಯಲ್ಲಿ 928 ಅಕಗಳಿದ್ದು, ಸ್ಮಿತ್ ಅವರು ಕೊಹ್ಲಿಗಿಂತಲೂ ಸುಮಾರು 17 ಪಾಯಿಂಟ್ ಹಿಂದಿದ್ದಾರೆ.