ಆಸ್ಟ್ರೇಲಿಯಾ ಕ್ರಿಕೆಟ್ ಆಟಗಾರರಲ್ಲಿ ಕೆಲವರಿಗೆ ಪಾಕ್ ಪ್ರಧಾನಿ ಶೋಯೆಬ್ ಅಖ್ತರ್ ಅಂತೆ..!

•   Wed, Nov 20 2019 01:51:47 PM



• ಬ್ರಿಸ್ಬೇನ್, ನ 20 (Daijiworld News/MB) : ಆಸ್ಟ್ರೇಲಿಯಾ ಕ್ರಿಕೆಟಿಗರಿಗೆ ಪಾಕ್ ಪ್ರಧಾನಿ ಯಾರು ಎಂದು ಕೇಳುವ ವಿಡಿಯೋ ಸಖತ್ ವೈರಲ್ ಆಗಿದ್ದು, ಆಟಗಾರರಿಗೆ ಶೋಯೆಬ್ ಅಖ್ತರ್ ಪಾಕಿಸ್ತಾನದ ಪ್ರಧಾನಿ ಹೇಳಿದ್ದಾರೆ.

  

  ಆಸ್ಟ್ರೇಲಿಯಾ ವಿರುದ್ಧ ಮೂರು ಪಂದ್ಯಗಳ ಟಿ20 ಸರಣಿಯಲ್ಲಿ ಪಾಕ್ 0-2ಯಿಂದ ಸೋಲು ಕಂಡಿದ್ದು ಈಗ ಟೆಸ್ಟ್ ಸರಣಿಗೆ ತಯಾರಿಯಲ್ಲಿದೆ. ಈ ಮದ್ಯೆ ಆಸ್ಟ್ರೇಲಿಯಾದ ಒಂದು ಟಿವಿ ಚಾನೆಲ್ ಆಸ್ಟ್ರೇಲಿಯಾ ತಂಡದ ಸಾಮಾನ್ಯ ಜ್ಞಾನವನ್ನು ಪರೀಕ್ಷೆ ಮಾಡಲು ಮುಂದಾಗಿದ್ದು ಪಾಕಿಸ್ತಾನದ ಪ್ರಧಾನಿ ಯಾರು ಎಂದು ಪ್ರಶ್ನೆ ಕೇಳಿದ್ದಾರೆ.

  ಪ್ರಶ್ನೆ ಕೇಳಿದ ಆಟಗಾರರು ಪ್ರಶ್ನೆಗೆ ಉತ್ತರಿಸಲಾಗದೆ ಕೆಲವು ಆಟಗಾರರು ಗೊತ್ತಿಲ್ಲ ಎಂದು ಹೇಳಿದರೆ ಇನ್ನು ಕೆಲವರು ಅವಳ ಹೆಸರನ್ನು ಮರೆತೆ ಎಂದಿದ್ದಾರೆ. ಇನ್ನೂ ಕೆಲವರು ಶೋಯೆಬ್ ಅಖ್ತರ್ ಎಂದು ಹೇಳಿದ್ದಾರೆ. ಇನ್ನೂ ಕೆಲವರು ಇಮ್ರಾನ್ ಖಾನ್ ಎಂದು ಉತ್ತರಿಸಿದ್ದಾರೆ.

  ಟಿವಿ ಚಾನೆಲ್ ತಮಾಷೆಗೆಂದು ಮಾಡಿದ ಈ ವಿಡಿಯೋ ಈಗ ವೈರಲ್ ಆಗಿದೆ.