ಲಂಡನ್: ಏಳನೇ ಬಾರಿ ಪ್ರಶಸ್ತಿ ಗೆಲ್ಲುವಲ್ಲಿ ಎಡವಿದ ಫೆಡರರ್

•   Sun, Nov 17 2019 10:03:14 PM



• ಲಂಡನ್, ನ 7 (DaijiworldNews/SM): ಸ್ವಿಸ್ ದಂತಕತೆ ರೋಜರ್ ಫೆಡರರ್ ಅವರು ಏಳನೇ ಬಾರಿ ಪ್ರಶಸ್ತಿ ಗೆಲ್ಲುವ ಕನಸೊಂದು ಭಗ್ನಗೊಂಡಿದ್ದು, ನಿರಾಸೆಯನ್ನುಂಟು ಮಾಡಿದೆ.

  

  ಲಂಡನ ನಲ್ಲಿ ನಡೆದ ಎಟಿಪಿ ಫೈನಲ್ಸ್ ಟೆನಿಸ್ ಟೂರ್ನಿಯ ಸೆಮಿಫೈನಲ್ ರೋಜರ್ ಗೆ ಸೋಲಾಗಿದೆ. ಸೆಮಿಫೈನಲ್ ಹಣಾಹಣಿಯಲ್ಲಿ ಗ್ರೀಕ್ ನ ಸ್ಟಿಫನೋಸ್ ಸಿಟ್ಸಿಪಸ್ ಗೆ ಫೆಡರರ್ ಶರಣಾಗಿದ್ದಾರೆ. ಇದರಿಂದಾಗಿ ಅವರು ಏಳನೇ ಬಾರಿಯೂ ಪ್ರಶಸ್ತಿ ಗೆಲ್ಲಬಹುದು ಎಂದುಕೊಂಡಿದ್ದ ಕನಸು ನನಸಾಗಿಲ್ಲ.

  ಸೆಮಿಫೈನಲ್ ನಲ್ಲಿ ಗ್ರೀಕ್ ತಂಡದ 21ರ ಹರೆಯದ ಸಿಟ್ಸಿಪಸ್ ಅವರ ವಿರುದ್ಧ 6-3, 6-4 ಅಂತರದ ನೇರ ಸೆಟ್‍ಗಳಲ್ಲಿ ಸೋಲನುಭವಿಸಿದರು. ಆ ಮೂಲಕ 20 ಬಾರಿ ಗ್ರ್ಯಾನ್ ಸ್ಲ್ಯಾಮ್ ವಿಜೇತ ರೋಜರ್ ಫೆಡರರ್ ಗೆ ನಿರಾಸೆಯುಂಟಾಗಿದೆ.