ಬೆಂಗಳೂರು: ರಾಷ್ಟೀಯ ಕ್ರಿಕೆಟ್ ಅಕಾಡೆಮಿ ಉನ್ನತಿಗಾಗಿ ದ್ರಾವಿಡ್-ಗಂಗೂಲಿ ಚರ್ಚೆ

•   Thu, Oct 31 2019 10:30:51 PM



• ಬೆಂಗಳೂರು, ಅ 31 (DaijiworldNews/SM): ಬಿಸಿಸಿಐ ಅಧ್ಯಕ್ಷರಾಗಿ ಆಯ್ಕೆಯಾದ ಬಳಿಕ ಮೊದಲ ಬಾರಿಗೆ ಸೌರವ್ ಗಂಗೂಲಿ ಬೆಂಗಳೂರಿಗೆ ಆಗಮಿಸಿದ್ದಾರೆ. ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣಕ್ಕೆ ಅಂದಂತಹ ಗಂಗೂಲಿಗೆ ಅದ್ದೂರಿಯಾದ ಸ್ವಾಗತ ದೊರೆತಿದೆ.

  

  ಬೆಂಗಳೂರಿಗೆ ಆಗಮಿಸಿದ್ದ ಗಂಗೂಲಿ, ಚಿನ್ನಸ್ವಾಮಿ ಕ್ರೀಡಾಂಗಣಕ್ಕೆ ಭೇಟಿ ಕೊಟ್ಟಿದ್ದಾರೆ. ಇದೇ ಸಂದರ್ಭ ಎನ್‌ಸಿಎ ಮುಖ್ಯಸ್ಥ ಹಾಗೂ ಟೀಂ ಇಂಡಿಯಾದ ಮಾಜಿ ನಾಯಕ ರಾಹುಲ್ ದ್ರಾವಿಡ್ ಅವರನ್ನು ಭೇಟಿ ಮಾಡಿದ್ದರು. ಈ ವೇಳೆಯಲ್ಲಿ ರಾಷ್ಟೀಯ ಕ್ರಿಕೆಟ್ ಅಕಾಡೆಮಿ ಉನ್ನತಿಗಾಗಿ ದ್ರಾವಿಡ್ ಹಾಗೂ ಗಂಗೂಲಿ ಚರ್ಚೆ ನಡೆಸಿದ್ದಾರೆ. ಈ ಇಬ್ಬರು ಕೂಡ ಟೀಂ ಇಂಡಿಯಾದಲ್ಲಿ ನಾಯಕರಾಗಿದ್ದು, ಸಾಕಷ್ಟು ಅನುಭವವನ್ನು ಹೊಂದಿದ್ದಾರೆ.

  ಈ ಇಬ್ಬರು ಆಟಗಾರರು ಕೂಡ ಬಹುತೇಕ ಒಂದೇ ಅವಧಿಯಲ್ಲಿ ಕ್ರೀಡಾಂಗಣದಲ್ಲಿದ್ದರು. ಇದರಿಂದಾಗಿ ಈ ಆಟಗಾರರ ನಡುವೆ ಉತ್ತಮ ಬಾಂಧವ್ಯವಿದೆ. ಇದರಿಂದಾಗಿ ಒಂದು ಉತ್ತಮ ನಿರ್ಧಾರ ಕೈಗೊಳ್ಳಲು ಇವರ ಮಾತುಕತೆ ಸಹಕಾರಿಯಾಗಲಿದೆ.

  ಇನ್ನು ಬೆಂಗಳೂರು ವಿಮಾನ ನಿಲ್ಡಾಣಕ್ಕೆ ಬಂದಿಳಿದ ಸೌರವ್ ಗಂಗೂಲಿಗೆ ಅಭಿಮಾನಿಗಳು ಹೃತ್ಪೂರ್ವಕ ಸ್ವಾಗತವನ್ನು ಕೋರಿದ್ದರು. ಗಂಗೂಲಿ ಎಲ್ಲೇ ತೆರಳಿದರೂ ಜನರು ಜೈಕಾರ ಕೂಗುವ ಮೂಲಕ ಬಿಸಿಸಿಐನ ನೂತನ ಅಧ್ಯಕ್ಷರಿಗೆ ತಮ್ಮ ಪ್ರೀತಿ ತೋರಿಸಿದ್ದರು. ಇದನ್ನು ಒಪ್ಪಿಕೊಂಡಿರುವ ಗಂಗೂಲಿ ತಮ್ಮ ಟ್ವಿಟರ್ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.