ಭಜ್ಜಿಯಂತೆ ಸ್ಪಿನ್‌ ಬೌಲಿಂಗ್‌ ಮಾಡೋ ಬಾಲಕಿ - ವಿಡಿಯೋ ವೈರಲ್

•   Fri, Oct 25 2019 03:31:00 PM



• ಮುಂಬೈ, ಅ 25 (Daijiworld News/MSP): ಹರ್ಭಜನ್‌ ಸಿಂಗ್ ಬೌಲಿಂಗ್ ಕರಾಮತ್ತನ್ನು ಇಡೀ ಕ್ರಿಕೆಟ್ ಜಗತ್ತು ಕೊಂಡಾಡುತ್ತದೆ. ಸ್ಪೆಷಲ್‌ ಸ್ಪಿನ್‌ ಬೌಲಿಂಗ್‌ ಗೆ ಅವರು ಹೆಸರುವಾಸಿಯಾದವರು. ಸದ್ಯ ಮಾಜಿ ಸ್ಪಿನ್ನರ್‌ ಹರ್ಭಜನ್‌ ಸಿಂಗ್‌ ಟೀಂ ಇಂಡಿಯಾದಲ್ಲಿಲ್ಲ. ಆದರೆ ಅವರ ಬೌಲಿಂಗ್ ಶೈಲಿ ಮಾತ್ರ ಹೆಸರುವಾಸಿ.

  

  ಈ ನಡುವೆ ಸೋಶಿಯಲ್ ಮೀಡಿಯಾದಲ್ಲಿ ಹುಡುಗಿಯೊಬ್ಬಳ ಬೌಲಿಂಗ್ ವಿಡಿಯೋ ವೈರಲ್ ಆಗುತ್ತಿದೆ. ಈಕೆಯ ಬೌಲಿಂಗ್ ಶೈಲಿ ಪಕ್ಕಾ ಭಜ್ಜಿಯಂತೆಯೇ ಇದೆ.

  ಮಾಜಿ ಕ್ರಿಕೆಟರ್‌ ಹಾಗೂ ಕಮೆಂಟರ್‌ ಆಕಾಶ್‌ ಚೋಪ್ರಾ ಕೂಡಾ ಈ ವಿಡಿಯೋ ಟ್ವೀಟ್ ಮಾಡಿ, ಹರ್ಭಜನ್ ಸಿಂಗ್, ನೀವು ಈ ಬಾಲಕಿಗೆ ಸ್ಫೂರ್ತಿಯಾದಂತಿದೆ ನಿಮ್ಮಿಂದ ಹಲವು ಕ್ರಿಕೆಟ್‌ ಪ್ರೇಮಿಗಳು ಸ್ಫೂರ್ತಿದಾಯಕರಾಗಿದ್ದಾರೆ ಅನ್ನೋದಕ್ಕೆ ಇದೇ ನಿದರ್ಶನ ಎಂದು ಅಡಿಬರಹ ಬರೆದಿದ್ದಾರೆ.

  ಇನ್ನು ಕೆಲವರು ಈ ಬಾಲಕಿಯ ಬೌಲಿಂಗ್ ಜಸ್ಪೀತ್ ಬೂಮ್ರಾ ಶೈಲಿಯಂತಿದೆ ಎಂದು ಕಮೆಂಟ್ ಹಾಕಿದ್ದಾರೆ.

  Hey @harbhajan_singh, looks like you’re her inspiration....like a lot of other aspiring spinners in the country ☺️👏🤗 #AakashVani pic.twitter.com/Oy6IxV4Zdb

  — Aakash Chopra (@cricketaakash) October 23, 2019