ನವದೆಹಲಿ: ಎಚ್ಚರ ತಪ್ಪಿದ್ದಲ್ಲಿ ಪಂತ್ ತಂಡದಿಂದ ಹೊರಗುಳಿಯಲಿದ್ದಾರೆ-ಗಂಭೀರ್

•   Tue, Sep 17 2019 10:53:45 PM



• ನವದೆಹಲಿ, ಸೆ 17 (DaijiworldNews/SM): ಕ್ರಿಕೆಟ್ ಪಂದ್ಯ ಅಂದಾಕ್ಷಣ ಅಲ್ಲಿ ದಾಖಲೆಗಳು ಸಾಮಾನ್ಯವಾಗಿರುತ್ತದೆ. ಪ್ರಚಂಡ ಫಾರ್ಮ್ ಹೊಂದಿದ್ದರೆ ಹೆಚ್ಚು ದಾಖಲೆಗಳನ್ನು ಬರೆಯಬಹುದು. ಕ್ರಿಕೆಟ್ ನಲ್ಲಿ ಅರಳು ಪ್ರತಿಭೆ ರಿಷಬ್ ಪಂತ್ ತಂಡದಲ್ಲಿ ಎಂಟ್ರಿ ಪಡೆದುಕೊಂಡಿದ್ದು ನಿರೀಕ್ಷೆಯ ಪ್ರದರ್ಶನ ನೀಡುತ್ತಿದ್ದಾರೆ. ಆದರೆ, ಇವರಿಗೆ ಸಂಸದ ಗೌತಮ್ ಗಂಭೀರ್ ಎಚ್ಚರಿಕೆ ನೀಡಿದ್ದಾರೆ. ನಿನ್ನ ಹಿಂದೆ ಸಂಜು ಸ್ಯಾಮ್ಸನ್ ಇದ್ದಾನೆ ಹುಶಾರ್ ಆಗಿರು ಎಂದು ಎಚ್ಚರಿಸಿದ್ದಾರೆ.

  

  ಸದ್ಯ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ತಂಡದಲ್ಲಿಲ್ಲ. ಹಾಗಾಗಿ ಪಂತ್ ಗೆ ಹೆಚ್ಚಿನ ಅವಕಾಶಗಳು ಲಭಿಸುತ್ತಿವೆ. ಸತತ ಅವಕಾಶಗಳು ಸಿಗುತ್ತಿವೆ ಎಂದು ಮೈ ಮರೆಯದಿರು. ನಿನ್ನ ಪ್ರದರ್ಶನವನ್ನು ನೋಡಿಕೊಳ್ಳುವುದು ಉತ್ತಮ. ನಿಮ್ಮ ಸಾಮರ್ಥ್ಯದ ಬಗ್ಗೆ ನನಗೆ ಸಂದೇಹವಿಲ್ಲ. ಆದರೆ ತಂಡದಲ್ಲಿ ಸ್ಥಾನ ಪಡೆಯಲು ಮತ್ತೊಬ್ಬ ಯುವ ಆಟಗಾರ ಸಂಜು ಸ್ಯಾಮ್ಸನ್ ಸವಾಲು ನೀಡುತ್ತಿದ್ದಾರೆ. ಒಂದೊಮ್ಮೆ ರಿಷಬ್ ಎಚ್ಚರ ತಪ್ಪಿದ್ದಲ್ಲಿ ತಂಡದಲ್ಲಿ ಸ್ಥಾನ ಕಳೆದುಕೊಳ್ಳಬೇಕಾದಿತು ಎಂದು ತಿಳಿಸಿದ್ದಾರೆ.

  ವಿಕೆಟ್ ಕಿಪಿಂಗ್ ನ ಸ್ಟಾರ್ ಎನಿಸಿರುವ ಮಹೇಂದ್ರ ಸಿಂಗ್ ಧೋನಿಯವರು ನಿವೃತಿಯ ಅಂಚಿನಲ್ಲಿದ್ದು, ಅವರ ಸ್ಥಾನವನ್ನು ಸೂಕ್ತ ಆಟಗಾರ ತುಂಬಬೇಕಿದೆ. ಈ ಹಿನ್ನೆಲೆಯಲ್ಲಿ ಪಂತ್ ಗೆ ತಂಡದಲ್ಲಿ ಹೆಚ್ಚಿನ ಅವಕಾಶಗಳು ಸಿಗುತ್ತಿವೆ. ಆದರೆ, ಕೆಲವೊಂದು ಪಂದ್ಯಗಳಲ್ಲಿ ಸ್ಥರ ಪ್ರದರ್ಶನವನ್ನು ಪಂತ್ ನೀಡುತ್ತಿಲ್ಲ. ಈ ಸಂದರ್ಭ ಮತ್ತೊಬ್ಬ ಆಟಗಾರನತ್ತ ಆಯ್ಕೆ ಸಮಿತಿ ಮುಖ ಮಾಡುತ್ತದೆ. ಈ ಹಿನ್ನೆಲೆಯಲ್ಲಿ ಪಂತ್ ಎಚ್ಚರವಾಗಿರಲಿ ಎಂದಿದ್ದಾರೆ ಗೌತಮ್ ಗಂಭೀರ್.