ನವದೆಹಲಿ: ಪಂಕಜ್ ಅಡ್ವಾಣಿಯ ಸಾಧನೆಗೆ ಪ್ರಧಾನಿ ಮೋದಿ ಶ್ಲಾಘನೆ

•   Mon, Sep 16 2019 10:44:50 PM



• ನವದೆಹಲಿ, ಸೆ 16(DaijiworldNews/SM): 22ನೇ ವಿಶ್ವ ಬಿಲಿಯರ್ಡ್ಸ್ ಚಾಂಪಿಯನ್‌ಶಿಪ್ ಪ್ರಶಸ್ತಿಯನ್ನು ಗೆದ್ದ ದೇಶಕ್ಕೆ ಹೆಮ್ಮೆಯನ್ನು ತಂದ ಪಂಕಜ್ ಅಡ್ವಾಣಿಯವರಿಗೆ ಅಭಿನಂದನೆಯ ಮಹಾಪೂರವೇ ಹರಿದು ಬರುತ್ತಿದೆ. ಇದೀಗ ಪ್ರಧಾನಿ ಮೋದಿಯವರು ಕೂಡ ಪಂಕಜ್ ಅಡ್ವಾಣಿಯವರ ಸಾಧನೆಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಹಾಗೂ ಅವರಿಗೆ ಅಭಿನಂದನೆ ಸಲ್ಲಿಸಿದ್ದಾರೆ.

  

  ಮ್ಯಾನ್ಮಾರ್‌ನ ಮಾಂಡಲೆನಲ್ಲಿ ಭಾನುವಾರ ನಡೆದ ಐಬಿಎಸ್‌ಎಫ್ ವರ್ಲ್ಡ್ ಬಿಲಿಯರ್ಡ್ಸ್ ಚಾಂಪಿಯನ್‌ಶಿಪ್‌ನ ಫೈನಲ್‌ನಲ್ಲಿ ಅಡ್ವಾಣಿ ಮಯನ್ಮಾರ್‌ನ ನಾಯ್ ತ್ವೆ ಓ ಅವರನ್ನು 6-2 ಅಂಕಗಳಿಂದ ಸೋಲಿಸಿ 22ನೇ ವಿಶ್ವ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿದ್ದರು. ಆ ಮೂಲಕ ದೇಶದ ಪತಾಕೆಯನ್ನು ವಿದೇಶದಲ್ಲಿ ಬಾನೆತ್ತರಕ್ಕೇರಿಸಿದ್ದರು. ದೇಶಕ್ಕೆ ಕೀರ್ತಿಯನ್ನು ತಂದುಕೊಟ್ಟಿದ್ದಾರೆ. ಇವರ ಸಾಧನೆಗೆ ದೇಶವೇ ಮಂಡಿಯಾರಿದೆ.

  ಇದೀಗ ಪ್ರಧಾನಿ ನರೇಂದ್ರ ಮೋದಿಯವರು ಪಂಕಜ್ ಅಡ್ವಾಣಿಯವರ ಸಾಧನೆಗೆ ಅಭಿನಂದನೆ ಸಲ್ಲಿಸಿದ್ದಾರೆ. ನಿಮ್ಮ ಸಾಧನೆಯ ಬಗ್ಗೆ ಇಡೀ ರಾಷ್ಟ್ರವೇ ಹೆಮ್ಮೆಪಡುತ್ತದೆ. ನಿಮ್ಮ ದೃಢತೆ ಶ್ಲಾಘನೀಯ. ನಿಮ್ಮ ಮುಂದಿನ ಪ್ರಯತ್ನಗಳಿಗೂ ಯಶಸ್ಸು ಸಿಗಲಿ ಎಂಬುವುದಾಗಿ ಟ್ವಿಟ್ ಮಾಡಿದ್ದಾರೆ.