ಹೊಸದಿಲ್ಲಿ: ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ-20 ಪಂದ್ಯಕ್ಕೂ ಧೋನಿಗೆ ಕೋಕ್-ರಿಷಬ್ ಪಂತ್ ಗೆ ಮಣೆ

•   Thu, Aug 29 2019 02:14:24 PM



• ಹೊಸದಿಲ್ಲಿ, ಆ 29 (DaijiworldNews/SM): ಪ್ರವಾಸಿ ದಕ್ಷಿಣ ಆಫ್ರಿಕಾ ವಿರುದ್ಧದ ಈಗಾಗಲೇ ಏಕದಿನ ಸರಣಿ ಗೆದ್ದು ಟೀಂ ಇಂಡಿಯಾ ಬೀಗುತ್ತಿದೆ. ಈ ನಡುವೆ ಟೆಸ್ಟ್ ಸರಣಿ ಕೂಡ ಗೆಲ್ಲುವ ವಿಶ್ವಾಸದಲ್ಲಿದೆ. ಬಳಿಕ ಸೀಮಿತ ಓವರ್ ನ ಕ್ರಿಕೆಟ್ ಪಂದ್ಯ ನಡೆಯಲಿದೆ. ಅಲ್ಲೂ ಕೂಡ ಹಿಡಿತ ಸಾಧಿಸಲು ಮುಂದಾಗಿದೆ.

  

  ಆದರೆ, ಟಿ-೨೦ ಪಂದ್ಯದಲ್ಲಿ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿಗೆ ಕೋಕ್ ನೀಡಲಾಗಿದೆ. ಟಿ-20 ಸರಣಿಯಿಂದಲೂ ಕೂಡ ಅವರನ್ನು ಹೊರಗಿಡಲು ನಿರ್ಧರಿಸಲಾಗಿದೆ ಎನ್ನಲಾಗಿದೆ. ಧೋನಿಯವರ ಬದಲಿಗೆ ರಿಷಬ್ ಪಂತ್ ಅವರಿಗೆ ಮಣೆ ಹಾಕುವುದು ಬಹುತೇಕ ಖಚಿತವೆನ್ನಲಾಗಿದೆ.

  ಟೀಂ ಇಂಡಿಯಾದ ಭವಿಷ್ಯದ ಕುರಿತಾಗಿ ಈ ನಿರ್ಧಾರ ಉತ್ತಮವೆನ್ನಲಾಗಿದೆ. ರಿಷಬ್ ಪಂತ್ ಅವರನ್ನು ಈಗಾಗಲೇ ಸರಣಿಗಳಲ್ಲಿ ಆಯ್ದುಕೊಂಡಲ್ಲಿ ವಿದೇಶಿ ನೆಲದ ಹಿಡಿತ ಹಾಗೂ ಕೀಪಿಂಗ್ ನಲ್ಲಿ ಮತ್ತಷ್ಟು ಪ್ರಾಬಲ್ಯ ಸಾಧಿಸಬಹುದು ಎನ್ನಲಾಗಿದೆ.