ಮುಂಬೈ: ಮತ್ತೊಮ್ಮೆ ರವಿಶಾಸ್ತ್ರಿ ಟೀಂ ಇಂಡಿಯಾ ಕೋಚ್

•   Fri, Aug 16 2019 08:03:33 PM



• ಮುಂಬೈ, ಆ 16 (Daijiworld News/SM): ಟೀಂ ಇಂಡಿಯಾದ ಕೋಚ್​ ಆಗಿ ರವಿಶಾಸ್ತ್ರಿ ಪುನರಾಯ್ಕೆಗೊಂಡಿದ್ದಾರೆ. ತಂಡದ ಸಂದರ್ಶನ ಮುಕ್ತಾಯಗೊಂಡಿದ್ದು, ತಂಡಕ್ಕೆ ಮತ್ತೊಂದು ಅವಧಿಗೆ ಕೋಚ್ ಆಗಿ ಆಯ್ಕೆಗೊಂಡಿದ್ದಾರೆ.

  

  ಮುಂಬೈನಲ್ಲಿ ಶುಕ್ರವಾರ ನಡೆಸಲಾದ ಸಂದರ್ಶನದ ಬಳಿಕ ಕಪಿಲ್ ದೇವ್ ನೇತೃತ್ವದ ಕ್ರಿಕೆಟ್ ಸಲಹಾ ಸಮಿತಿ ಹೊಸ ಕೋಚ್ ಹೆಸರನ್ನು ಅಧಿಕೃತವಾಗಿ ಘೋಷಿಸಿದೆ.

  ತಂಡದ ಕೋಚ್​ ಹುದ್ದೆಗಾಗಿ ಕಳೆದ ಒಂದು ತಿಂಗಳಿನಿಂದ ಆಯ್ಕೆ ಪ್ರಕ್ರಿಯೆಗಳು ನಡೆದಿದ್ದವು. ಹಲವರಿಂದ ಅರ್ಜಿಗಳನ್ನು ಆಹ್ವಾನಿಸಲಾಗಿತ್ತು. ಆದರೆ, ಅಂತಿಮವಾಗಿ ಇದೀಗ ಕಪಿಲ್​ ದೇವ್​​ ನೇತೃತ್ವದ ಕ್ರಿಕೆಟ್​ ಸಲಹಾ ಸಮಿತಿ ಸಂದರ್ಶನ ನಡೆಸಿದೆ. ಈ ವೇಳೆ ಆರು ಜನ ಅಭ್ಯರ್ಥಿಗಳು ಸಂದರ್ಶನದಲ್ಲಿ ಭಾಗಿಯಾಗಿದ್ದರು. ಆದರೆ ಅಫ್ಘಾನಿಸ್ತಾನದ ಮಾಜಿ ಕೋಚ್​​ ಸಿಮನ್ಸ್​ ರೇಸ್​​ನಿಂದ ಪ್ರಮುಖರಾಗಿ ಹೊರಬಿದ್ದಿದ್ದರು.

  ಉಳಿದಂತೆ ಟೀಂ ಇಂಡಿಯಾ ಮಾಜಿ ಮ್ಯಾನೇಜರ್​​ ಲಾಲ್​ಚಂದ್​ ರಜಪೂತ್​, ಹಾಲಿ ಟೀಂ ಇಂಡಿಯಾ ಕೋಚ್​ ರವಿಶಾಸ್ತ್ರಿ ಹಾಗೂ ಆಸ್ಟ್ರೇಲಿಯಾದ ಮಾಜಿ ಆಲ್​ರೌಂಡರ್​ ಹಾಗೂ ಶ್ರೀಲಂಕಾ ಕೋಚ್​ ಟಾಮ್​ ಮೂಡಿ ನಡುವೆ ನೇರ ಸ್ಪರ್ಧೆ ಏರ್ಪಟ್ಟಿತ್ತು. ಅಂತಿಮವಾಗಿ ಕಪಿಲ್ ದೇವ್ ಅವರನ್ನೇ ಪುನರಾಯ್ಕೆ ಮಾಡಲಾಗಿದೆ.

  ಟೀಂ ಇಂಡಿಯಾ ತಂಡಕ್ಕೆ ಆಯ್ಕೆಗೊಂಡಿರುವ ಕೋಚ್​​ ಮುಂದಿನ 2021ರ ಐಸಿಸಿ ಟಿ-20 ವಿಶ್ವಕಪ್​ವರೆಗೆ ಮಾತ್ರ ಟೀಂ ಇಂಡಿಯಾ ತಂಡದ ಕೋಚ್ ಆಗಿರಲಿದ್ದಾರೆ ಬಳಿಕ ಮತ್ತೊಂದು ಅವಧಿಗೆ ನೂತನ ಕೋಚ್​ ಆಯ್ಕೆ ಪ್ರಕ್ರಿಯೆ ನಡೆಯಲಿದೆ ಎಂದು ಬಿಸಿಸಿಐ ತೀರ್ಮಾನ ಕೈಗೊಂಡಿದೆ.