ಅಭೂತಪೂರ್ವ ಗೆಲುವು ಸಾಧಿಸಿದ ಮೋದಿಯನ್ನು ಅಭಿನಂದಿಸಿದ ಬಿಜೆಪಿಯ ಭೀಷ್ಮ

•   Thu, May 23 2019 05:19:02 PM



• ನವದೆಹಲಿ, ಮೇ23(Daijiworld News/SS): ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿಯ ಅಭೂತಪೂರ್ವ ಗೆಲುವು ಸಾಧಿಸಿದ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಬಿಜೆಪಿ ಹಿರಿಯ ನಾಯಕ, ಮಾಜಿ ಉಪ ಪ್ರಧಾನಿ ಎಲ್‌.ಕೆ ಆಡ್ವಾಣಿ ಅಭಿನಂದಿಸಿದ್ದಾರೆ.

  

  ಈ ಅಭೂತಪೂರ್ವ ಗೆಲುವಿನತ್ತ ಬಿಜೆಪಿಯನ್ನು ಮುನ್ನಡೆಸಿದ ನರೇಂದ್ರಭಾಯಿ ಮೋದಿ ಅವರಿಗೆ ಹೃತ್ಪೂರ್ವಕ ಅಭಿನಂದನೆಗಳು. ಬಿಜೆಪಿ ಅಧ್ಯಕ್ಷರಾಗಿ ಅಮಿತ್ ಭಾಯಿ ಶಾ ಮತ್ತು ಎಲ್ಲ ಸಮರ್ಪಣಾ ಭಾವದ ಕಾರ್ಯಕರ್ತರ ಕಠಿಣ ಪರಿಶ್ರಮದಿಂದ ಬಿಜೆಪಿ ಇಂದು ಎಲ್ಲ ಮತದಾರರನ್ನು ತಲುಪುವಂತಾಗಿದೆ ಎಂದು ಆಡ್ವಾಣಿ ಹೇಳಿದರು.

  ಲೋಕಸಭಾ ಚುನಾವಣೆಯ ಮತಗಳ ಎಣಿಕೆ ಪ್ರಗತಿಯಲ್ಲಿದ್ದು ಬಿಜೆಪಿ ಏಕಾಂಗಿಯಾಗಿಯೇ 300ರ ಗಡಿದಾಟಿ ಸತತ 2ನೇ ಬಾರಿಗೆ ಬಹುಮತದ ಸರಕಾರ ರಚಿಸುವತ್ತ ದಾಪುಗಾಲಿಡುತ್ತಿದೆ. ಈ ಹಿನ್ನೆಲೆಯಲ್ಲಿ ಬಿಜೆಪಿಯನ್ನು ಕಟ್ಟಿ ಬೆಳೆಸಿದ ಭೀಷ್ಮ ಆಡ್ವಾಣಿ ಪಕ್ಷದ ಮುಖಂಡರನ್ನು ಅಭಿನಂದಿಸಿದ್ದಾರೆ.