ವಿವಿಪ್ಯಾಟ್ ಸ್ಲಿಪ್ ಗಳ ಪರಿಶೀಲನೆಗೆ ಸಲ್ಲಿಸಿದ ಅರ್ಜಿ ವಜಾಗೊಳಿಸಿದ ಸುಪ್ರೀಂಕೋರ್ಟ್

•   Tue, May 21 2019 03:40:05 PM



• ನವದೆಹಲಿ,ಮೇ21(DaijiworldNews/AZM): ಲೋಕಸಭಾ ಚುನಾವಣೆ 2019ರ ಮತ ಎಣಿಕೆ ವೇಳೆ ಶೇ. 100ರಷ್ಟು ವಿವಿಪ್ಯಾಟ್ ಸ್ಲಿಪ್​​ಗಳನ್ನು ಪರಿಶೀಲನೆ ಮಾಡಬೇಕೆಂದು ಸುಪ್ರೀಂ ಕೋರ್ಟ್ ಗೆ ಅರ್ಜಿ ಸಲ್ಲಿದ್ದು, ಈ ಅರ್ಜಿಯನ್ನು ಕೋರ್ಟ್ ವಜಾಗೊಳಿಸಿದೆ.

  

  ಚೆನ್ನೈ ಮೂಲದ ‘ಟೆಕ್​ ಫಾರ್​ ಆಲ್’​ ಸಂಸ್ಥೆ, ಮತ ಎಣಿಕೆ ವೇಳೆ ಶೇ. 100ರಷ್ಟು ವಿವಿಪ್ಯಾಟ್ ಸ್ಲಿಪ್​​ಗಳನ್ನು ಪರಿಶೀಲನೆ ಮಾಡಬೇಕೆಂದು ಸುಪ್ರೀಂ ಕೋರ್ಟ್​ಗೆ ಅರ್ಜಿ ಸಲ್ಲಿಸಿತ್ತು. ಅರ್ಜಿ ವಿಚಾರಣೆ ನಡೆಸಿದ ಜಸ್ಟೀಸ್​ ಅರುಣ್​ ಮಿಶ್ರಾ, ‘ಇದೊಂದು ನಾನ್​ ಸೆನ್ಸ್​, ಈ ಮೊದಲು, ಶೇ. 50 ರಷ್ಟು ವಿವಿ ಪ್ಯಾಟ್​ ಸ್ಲಿಪ್​ ಪರಿಶೀಲನೆ ಬಗ್ಗೆ ವಿರೋಧ ಪಕ್ಷಗಳು ಸಲ್ಲಿಸಿದ್ದ ಅರ್ಜಿಯನ್ನು ಮುಖ್ಯ ನ್ಯಾಯಮೂರ್ತಿಗಳೇ ವಜಾ ಮಾಡಿದ್ರು. ಹೀಗಿದ್ರೂ ಮತ್ತೆ ಅರ್ಜಿ ಸಲ್ಲಿಸಿದ್ದೀರಲ್ಲಾ ಅಂತಾ ಜಸ್ಟೀಸ್​ ಅರುಣ್​ ಮಿಶ್ರಾ ಅರ್ಜಿದಾರರನ್ನು ತರಾಟೆ ತೆಗೆದುಕೊಂಡಿದ್ದಾರೆ.

  ಲೋಕಸಭಾ ಚುನಾವಣಾ ಫಲಿತಾಂಶ ಮೇ 23ರಂದು ಹೊರ ಬೀಳಲಿದೆ.