ಹಿಂದಿ ಮೀಡಿಯಂ ವಿದ್ಯಾರ್ಥಿ,ಕಡಿಮೆ ಸಮಯದಲ್ಲಿ ತಯಾರಿ ನಡೆಸಿ IAS ಆದ ಗರಿಮಾ ಅಗರ್ವಾಲ್

•   Thu, Aug 01 2024 08:18:37 AM



• ನವದೆಹಲಿ, ಜು.31(DaijiworldNews/AA): ಮಧ್ಯಪ್ರದೇಶದ ನಿವಾಸಿ ಐಎಎಸ್ ಗರಿಮಾ ಅಗರ್ವಾಲ್ ಅವರು ದೇಶದ ಎರಡು ಅತ್ಯಂತ ಕಷ್ಟಕರ ಪರೀಕ್ಷೆಗಳಲ್ಲಿ ಉತ್ತೀರ್ಣರಾಗುವ ಮೂಲಕ ಖ್ಯಾತಿ ಗಳಿಸಿದ್ದಾರೆ. ಐಎಎಸ್ ಗರಿಮಾ ಅಗರ್ವಾಲ್ ಅವರ ಯಶಸ್ಸಿನ ಕಥೆ ಇಲ್ಲಿದೆ.

  IAS ಗರಿಮಾ ಅಗರವಾಲ್ ಅವರು 28 ಡಿಸೆಂಬರ್ 1991 ರಂದು ಮಧ್ಯಪ್ರದೇಶದ ಖಾರ್ಗೋನ್ನಲ್ಲಿ ಜನಿಸಿದರು. ಅವರು ಹಿಂದಿ ಮಾಧ್ಯಮದಿಂದ ಓದಿದ್ದಾರೆ. ಅವರು ತಮ್ಮ ಶಾಲಾ ಶಿಕ್ಷಣವನ್ನು ಖಾರ್ಗೋಣೆಯ ಸರಸ್ವತಿ ವಿದ್ಯಾ ಮಂದಿರದಲ್ಲಿ ಮಾಡಿದರು.ಶಾಲಾ ಜೀವನದಿಂದ ಯುಪಿಎಸ್ ಸಿ ಪರೀಕ್ಷೆಯವರೆಗೆ ಗರಿಮಾ ಎಲ್ಲೆಡೆ ಯಶಸ್ಸನ್ನು ಗಳಿಸಿದ್ದಾರೆ. ಐಎಎಸ್ ಗರಿಮಾ ಅಗರ್ವಾಲ್ ಈಗ ತೆಲಂಗಾಣದಲ್ಲಿ ನೇಮಕಗೊಂಡಿದ್ದಾರೆ.

  ಐಎಎಸ್ ಗರಿಮಾ ಅಗರ್ವಾಲ್ ಐಐಐಟಿ ಹೈದರಾಬಾದ್ ನಲ್ಲಿ ಬಿಟೆಕ್ ಓದಿದ್ದಾರೆ. ಬಿ.ಟೆಕ್ ಪದವಿ ಪಡೆದ ನಂತರ ಗರಿಮಾ ಅಗರ್ವಾಲ್ ಜರ್ಮನ್ ಕಂಪನಿಯಲ್ಲಿ ಇಂಟರ್ನ್ ಶಿಪ್ ಮಾಡಿದರು. ಗರಿಮಾ ಅಗರ್ವಾಲ್ 10 ನೇ ತರಗತಿಯಲ್ಲಿ 92% ಮತ್ತು 12 ನೇ ತರಗತಿಯಲ್ಲಿ 89% ಅಂಕಗಳನ್ನು ಪಡೆದಿದ್ದರು. ಯುಪಿಎಸ್ ಸಿ ಪರೀಕ್ಷೆಗೆ ಒಂದೂವರೆ ವರ್ಷಗಳ ಕಾಲ ತಯಾರಿ ನಡೆಸಿದ್ದರು.

  ಐಎಎಸ್ ಗರಿಮಾ ಅಗರ್ವಾಲ್ UPSC ಪರೀಕ್ಷೆಯ ಮೊದಲ ಪ್ರಯತ್ನದಲ್ಲಿ 240 ನೇ ರ್ಯಾಂಕ್ ಗಳಿಸಿದ್ದರು. ಆ ಸಮಯದಲ್ಲಿ ಆಕೆಗೆ ಐಪಿಎಸ್ ಶ್ರೇಣಿ ನೀಡಲಾಯಿತು. ಆದರೆ ಅವರ ಗುರಿ ಐಎಎಸ್ ಆಗುವುದು ಆಗಿತ್ತು. ಹೀಗಾಗಿ ಮತ್ತೆ ತಯಾರಿ ನಡೆಸಿ ಎರಡನೇ ಪ್ರಯತ್ನದಲ್ಲಿ 40ನೇ ರ್ಯಾಂಕ್ ಗಳಿಸಿ ಐಎಎಸ್ ಅಧಿಕಾರಿಯಾದರು.