ರಾಜ್ಯಸಭೆಯಲ್ಲಿ ಬಿಜೆಪಿ ಬಲ 86ಕ್ಕೆ ಕುಸಿತ-ಬಹುಮತಕ್ಕೆ ಎನ್‌ಡಿಎಗೆ ನಾಲ್ಕು ಸ್ಥಾನ ಕಡಿಮೆ

•   Mon, Jul 15 2024 09:13:40 PM



• ನವದೆಹಲಿ, ಜು 15(DaijiworldNews/ AK): ಮುಂದಿನ ಸೋಮವಾರ ಸಂಸತ್ ಅಧಿವೇಶನ ಶುರುವಾಗಲಿರುವಂತೆಯೇ ರಾಜ್ಯಸಭೆಯಲ್ಲಿ 4 ನಾಮನಿರ್ದೇಶಿತ ಸದಸ್ಯರು ನಿವೃತ್ತರಾಗಿದ್ದಾರೆ. ಹೀಗಾಗಿ, ಮೇಲ್ಮನೆಯಲ್ಲಿ ಬಿಜೆಪಿಯ ಬಲ 86ಕ್ಕೆ ಕುಸಿದಿದೆ.

  ಎನ್‌ಡಿಎ ಬಲ 101ಕ್ಕೆ ಕುಸಿದಿದೆ. ಕಾಂಗ್ರೆಸ್ ನೇತೃತ್ವದ ಇಂಡಿಯಾ ಒಕ್ಕೂಟ 87 ಸದಸ್ಯರನ್ನು ಹೊಂದಿದೆ. ಸದ್ಯ ಬಿಜೆಪಿ ಇತರೆ ನಾಮನಿರ್ದೇಶಿತ ಸದಸ್ಯರು, ವೈಎಸ್ಆರ್ಸಿಪಿ, ಎಐಎಡಿಎಂಕೆಯಂತಹ ಮಿತ್ರಪಕ್ಷಗಳ ನೆರವಿನಿಂದ ರಾಜ್ಯಸಭೆಯಲ್ಲಿ ಮಸೂದೆಗಳನ್ನು ಪಾಸ್‌ ಮಾಡುವ ಅವಕಾಶ ಇದೆ.

  
  ಶೀಘ್ರವೇ ರಾಜ್ಯಸಭೆ ನಡೆಯಲಿರುವ ಉಪಚುನಾವಣೆಯತ್ತ ಬಿಜೆಪಿ ಕಣ್ಣಿಟ್ಟಿದ್ದು, ಸದ್ಯ ರಾಜ್ಯಸಭೆಯಲ್ಲಿ 19 ಸ್ಥಾನಗಳು ಖಾಲಿಯಿವೆ. ಲೋಕಸಭಾ ಚುನಾವಣೆಯಲ್ಲಿ ಗೆದ್ದ ಹಿನ್ನೆಲೆಯಲ್ಲಿ 10 ಮಂದಿ ತಮ್ಮ ಸ್ಥಾನಕ್ಕೆ ಕಳೆದ ತಿಂಗಳೇ ರಾಜೀನಾಮೆ ನೀಡಿದ್ದರು.

  ಒಟ್ಟು ಸದಸ್ಯ ಬಲ-245, ಖಾಲಿಯಿರುವ ಸ್ಥಾನಗಳು-19, ಸದ್ಯದ ಸದಸ್ಯ ಬಲ-226, ಬಹುಮತಕ್ಕೆ ಅಗತ್ಯ ಸ್ಥಾನ-114, ಎನ್ಡಿಎ ಸದಸ್ಯ ಬಲ-101, ಬಿಜೆಪಿ ಸದಸ್ಯರ ಸಂಖ್ಯೆ-86, ಇಂಡಿಯಾ ಮಿತ್ರಕೂಟದ ಸಂಖ್ಯೆ-87,ಕಾಂಗ್ರೆಸ್ -26, ಇತರರು -29 ಇದ್ದಾರೆ.