ಸರ್ಕಾರಿ ಶಾಲೆಯಲ್ಲಿ ಓದಿ 24ನೇ ವಯಸ್ಸಿನಲ್ಲಿ IAS ಅಧಿಕಾರಿಯಾದ ಕಾಂಚನ್ ಸಿಂಗ್ಲಾ

•   Mon, Jun 17 2024 08:41:14 AM



• ಚಂಡೀಗಢ, 17(DaijiworldNews/AK): ಪ್ರತಿಯೊಬ್ಬರೂ ಬಾಲ್ಯದಲ್ಲಿ ಅನೇಕ ರೀತಿಯ ಕನಸುಗಳನ್ನು ಕಾಣುತ್ತಾರೆ. ಕೆಲವರು ಶಿಕ್ಷಕರಾಗಬೇಕು, ವೈದ್ಯರಾಗಬೇಕು, ಪ್ರಧಾನಿಯಾಗಬೇಕು ಅಥವಾ ಐಎಎಸ್ ಅಧಿಕಾರಿಯಾಗಬೇಕು ಅಂತ. ಅವರಲ್ಲಿ ಕೆಲವರಿಗೆ ಮಾತ್ರ ತಮ್ಮ ಕನಸುಗಳನ್ನು ನನಸಾಗಿಸಲು ಸಾಧ್ಯವಾಗುತ್ತದೆ. ಚಂಡೀಗಢದ ನಿವಾಸಿಯಾಗಿರುವ ಐಎಎಸ್ ಕಾಂಚನ್ ಸಿಂಗ್ಲಾ ಅವರು ಐಎಎಸ್ ಅಧಿಕಾರಿಯಾಗುವ ಕನಸು ನನಸಾದ ಕಥೆ.

  ಕಾಂಚನ್ ಸಿಂಗ್ಲಾ ಅವರು ಚಂಡೀಗಢದ ಸೆಕ್ಟರ್ 16 ನಲ್ಲಿರುವ ಸರ್ಕಾರಿ ಮಾದರಿ ಹಿರಿಯ ಮಾಧ್ಯಮಿಕ ಶಾಲೆಯಲ್ಲಿ ಅಧ್ಯಯನ ನಡೆಸಿದರು. 12ನೇ ಬೋರ್ಡ್ ಪರೀಕ್ಷೆಯಲ್ಲಿ 95.2 ಅಂಕ ಪಡೆದಿದ್ದರು.

  ಕಾಂಚನ್ ಸಿಂಗ್ಲಾ ಅವರು 2013 ರಲ್ಲಿ ದೆಹಲಿ ಕಾನೂನು ವಿಶ್ವವಿದ್ಯಾಲಯದ ಪ್ರವೇಶ ಪರೀಕ್ಷೆಯಲ್ಲಿ 10 ನೇ ರ್‍ಯಾಂಕ್‌ ಮತ್ತು ಅಖಿಲ ಭಾರತ ಮಟ್ಟದಲ್ಲಿ CLAT ಪರೀಕ್ಷೆಯಲ್ಲಿ 62 ನೇ ರ್ಯಾಂಕ್ ಗಳಿಸಿದರು. ಅವರು ದೆಹಲಿ ರಾಷ್ಟ್ರೀಯ ಕಾನೂನು ವಿಶ್ವವಿದ್ಯಾಲಯದಲ್ಲಿ ಅಗ್ರಸ್ಥಾನ ಪಡೆದರು. ಇದರೊಂದಿಗೆ 7 ಚಿನ್ನದ ಪದಕಗಳನ್ನೂ ಪಡೆದರು.
  ಕಾಂಚನ್ ತಂದೆ ಅನಿಲ್ ಸಿಂಗ್ಲಾ ಚಾರ್ಟರ್ಡ್ ಅಕೌಂಟೆಂಟ್ ಮತ್ತು ತಾಯಿ ಪ್ರವೀಣ್ ಸಿಂಗ್ಲಾ ಗೃಹಿಣಿ. ಹೆತ್ತವರೇ ತನ್ನ ರೋಲ್ ಮಾಡೆಲ್ ಎಂದು ಕಾಂಚನ್ ಪರಿಗಣಿಸುತ್ತಾರೆ. ಅವರ ಕಿರಿಯ ಸಹೋದರ ಅನುಜ್ ಬಿಎ ಮಾಡಿದ್ದಾರೆ. ಕಾಂಚನ್ 24ನೇ ವಯಸ್ಸಿನಲ್ಲಿ ಐಎಎಸ್ ಅಧಿಕಾರಿಯಾದರು.

  ಕಾಂಚನ್ ಸಿಂಗ್ಲಾ ಅವರಿಗೆ ಬಾಲ್ಯದಿಂದಲೂ ಸರ್ಕಾರಿ ನೌಕರಿ ಮಾಡಬೇಕೆಂಬ ಆಸೆ ಇತ್ತು. 2018 ರಲ್ಲಿ, ಅವರು UPSC ಪರೀಕ್ಷೆಯ ಮೊದಲ ಪ್ರಯತ್ನವನ್ನು ನೀಡಿದರು. ಇದರಲ್ಲಿ ಭಾರತೀಯ ರೈಲ್ವೆ ಸೇವೆಗೆ ಆಯ್ಕೆಯಾದರು.

  2019 ರಲ್ಲಿ, ಅವರು ನಾಗರಿಕ ಸೇವಾ ಪರೀಕ್ಷೆಯ ಎರಡನೇ ಪ್ರಯತ್ನವನ್ನು ನೀಡಿದರು. ಇದರಲ್ಲಿ 35ನೇ ರ್ಯಾಂಕ್ ಪಡೆದು ಐಎಎಸ್ ಅಧಿಕಾರಿಯಾದರು.