10ನೇ ಕ್ಲಾಸ್ ಫೇಲ್ ಆಗಿದ್ದ ಈಶ್ವರ್, UPSC ಪರೀಕ್ಷೆ ಪಾಸ್ ಮಾಡಿದ ರೋಚಕ ಕಥೆ

•   Thu, Jun 13 2024 09:41:46 AM



• ರಾಜಸ್ಥಾನ್‌, ಜೂ 13 (DaijiworldNews/AA): 10ನೇ ತರಗತಿ ಮತ್ತು 12ನೇ ತರಗತಿಯಲ್ಲಿ ಕಡಿಮೆ ಅಂಕ ತೆಗೆದಿರುವವರು ಮತ್ತು ಅನುತ್ತೀರ್ಣ ಅದವರು ಚಿಂತೆ ಮಾಡಿಕೊಳ್ಳಬೇಡಿ. ಕಡಿಮೆ ಅಂಕ ತೆಗೆದ ಮಾತ್ರಕ್ಕೆ ಅಥವಾ ಫೇಲ್ ಆದ ಕಾರಣಕ್ಕೆ ಆ ವ್ಯಕ್ತಿಯ ಭವಿಷ್ಯವನ್ನು ನಿರ್ಧರಿಸಲು ಸಾಧ್ಯವಿಲ್ಲ. ಈಶ್ವರ್ ಗುಜ್ಜರ್ ಎಂಬ ಸಾಧಕ ಇದಕ್ಕೆ ಉತ್ತಮ ಉದಾಹರಣೆ. ಅವರ ಸಾಧನೆಯ ಒಂದು ಕಥೆ ಇಲ್ಲಿದೆ.

  ಈಶ್ವರ್ ಗುಜ್ಜರ್ ರಾಜಸ್ಥಾನದ ಭಿಲ್ವಾರ ಜಿಲ್ಲೆಯ ಬದಿಯಾ ಪ್ರದೇಶದವರು. ಇವರು 2022ರಲ್ಲಿ ಯುಪಿಎಸ್​ಸಿ ಪರೀಕ್ಷೆಯನ್ನು 644ನೇ ರ್ಯಾಂಕ್​ನಲ್ಲಿ ಪಾಸ್ ಮಾಡಿದ್ದಾರೆ. ಇವರ ತಂದೆ ಸುವಲಾಲ್ ಗುಜ್ಜರ್ ಒಬ್ಬ ರೈತ. ತಾಯಿ ಸುಖಿ ದೇವಿ ಗೃಹಿಣಿ. ಈಶ್ವರ್ ಗುಜ್ಜರ್ 10ನೇ ಕ್ಲಾಸ್ ಫೇಲ್ ಆದ ವಿದ್ಯಾರ್ಥಿ. ಆದರೆ ಮತ್ತೆ ಪುಟಿದೆದ್ದ ಈತ UPSC ಸಿವಿಲ್ ಸರ್ವೀಸ್ ಎಕ್ಸಾಂನಲ್ಲಿ ಯಶಸ್ಸು ಗಳಿಸಿ ಎಲ್ಲರನ್ನೂ ನಿಬ್ಬೆರಗುಗೊಳಿಸಿದ್ದಾನೆ.

  ಯುಪಿಎಸ್​ಸಿ ಜರ್ನಿಯಲ್ಲಿ 3 ಬಾರಿ ವಿಫಲತೆ ಕಂಡರೂ ಸಹ, ಎದೆಗುಂದಲಿಲ್ಲಯುಪಿಎಸ್​ಸಿ ಪರೀಕ್ಷೆಯಲ್ಲಿ ಯಶಸ್ಸು ಸಾಧಿಸಿರುವ ಈಶ್ವರ್ ಗುಜ್ಜರ್, 2011ರಲ್ಲಿ 10ನೇ ಕ್ಲಾಸ್ ಫೇಲ್ ಆಗಿದ್ದರು. ಇದಾದ ಬಳಿಕ ಓದಿನ ಸಹವಾಸವೇ ಬೇಡ ಎಂದು ದೂರ ಉಳಿದಿದ್ದರಂತೆ. ಆದರೆ ಅವರ ತಂದೆ ಈ ಸಮಯದಲ್ಲಿ ಧೈರ್ಯ ಹೇಳಿ, ಸ್ಪೂರ್ತಿ ತುಂಬಿದ್ದಾರೆ. ಬಳಿಕ ಈಶ್ವರ್ 2012ರಲ್ಲಿ 54% ಅಂಕದೊಂದಿಗೆ 10ನೇ ಕ್ಲಾಸ್ ಮಾಡಿದ್ದಾರೆ. 12ನೇ ತರಗತಿ 68% ಅಂಕ ಪಡೆದಿದ್ದಾರೆ.

  ಈಶ್ವರ್ ಗುಜ್ಜರ್ ಪಿಯುಸಿ ಬಳಿಕ, ಅಜ್ಮೀರದ ಮಹಾಋಷಿ ದಯಾನಂದ ಯೂನಿವರ್ಸಿಟಿಯಲ್ಲಿ ಬಿಎ ಮುಗಿಸಿದ್ದಾರೆ. ಇದಾದ ಬಳಿಕ 2019ರಲ್ಲಿ ಮೂರನೇ ಶ್ರೇಣಿಯ ಶಿಕ್ಷಕರಾಗಿ ನೇಮಕಗೊಂಡಿದ್ದಾರೆ. ರುಪ್ರಾ ಬಳಿಯ ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿ ಶಿಕ್ಷಕನಾಗಿ ಕಾರ್ಯನಿರ್ವಹಿಸಿಕೊಂಡು, ಯುಪಿಎಸ್​ಸಿ ಪರೀಕ್ಷೆಗೆ ತಯಾರಿ ನಡೆಸಿದ್ದಾರೆ.

  2019ರಲ್ಲಿ ಯುಪಿಎಸ್​ಸಿ ಪ್ರಿಲಿಮಿನರಿ ಪರೀಕ್ಷೆಯನ್ನು ಪಾಸ್ ಮಾಡಲು ಸಾಧ್ಯವಾಗಿರಲಿಲ್ಲ. ಆದರೆ 2020ರಲ್ಲಿ ಸಂದರ್ಶನದವರೆಗೂ ತಲುಪಿದ್ದರು. ಇದಾದ ಬಳಿಕ 2021ರಲ್ಲಿ ಮತ್ತೆ ಫೇಲ್ ಆದರು. ಮೂರನೇ ಬಾರಿಯೂ ಯಶಸ್ಸು ಸಿಗಲಿಲ್ಲ. ಆದರೆ ಎದೆಗುಂದದ ಈಶ್ವರ್ ಸತತ ಪ್ರಯತ್ನ ಮಾಡಿದ್ದರು.2022ರಲ್ಲಿ ಯುಪಿಎಸ್​ಸಿ ಪರೀಕ್ಷೆಯನ್ನು 644ನೇ ಶ್ರೇಣಿಯಲ್ಲಿ ಪಾಸ್ ಮಾಡಿದ್ದಾರೆ.ಯುಪಿಎಸ್​ಸಿ ತಯಾರಿ ಅನೇಕರಿಗೆ ಸ್ಪೂರ್ತಿಯಾಗಲಿದೆ.