ಮೋದಿ ನನ್ನನ್ನು, ನನ್ನ ಕುಟುಂಬವನ್ನು ದ್ವೇಷಿಸಿದರೂ ನಾನು ಅವರಿಗೆ ಪ್ರೀತಿಯಿಂದಲೇ ಪ್ರತಿಕ್ರಿಯಿಸುತ್ತೇನೆ - ರಾಹುಲ್

•   Fri, May 10 2019 10:30:29 PM



• ಶಿಮ್ಲಾ, ಮೇ.10(Daijiworld News/SS): ಪ್ರಧಾನಿ ನರೇಂದ್ರ ಮೋದಿ ನನ್ನ, ನನ್ನ ಕುಟುಂಬವನ್ನು ದ್ವೇಷಿಸಿದರೂ, ಅದಕ್ಕೆ ನಾನು ಪ್ರೀತಿಯಿಂದಲೇ ಪ್ರತಿಕ್ರಿಯಿಸುತ್ತೇನೆ ಎಂದು ಕಾಂಗ್ರೆಸ್‌ ಅಧ್ಯಕ್ಷ ರಾಹುಲ್‌ ಗಾಂಧಿ ಹೇಳಿದ್ದಾರೆ.

  

  ಚುನಾವಣೆ ಪ್ರಚಾರದ ವೇಳೆ ಮಾತನಾಡಿದ ಅವರು, ಪ್ರಧಾನಿ ನರೇಂದ್ರ ಮೋದಿ ನನ್ನ ಬಗ್ಗೆ ಹಾಗೂ ಮಾಜಿ ಪ್ರಧಾನಿಗಳಾದ ಇಂದಿರಾಗಾಂಧಿ, ರಾಜೀವ್ ಗಾಂಧಿ ಬಗೆಗೆ ದ್ವೇಷದಿಂದಲೇ ಮಾತನಾಡುತ್ತಾರೆ. ಆದರೆ, ನಾನು ಅವರಿಗೆ ಪ್ರೀತಿಯಿಂದಲೇ ಪ್ರತಿಕ್ರಿಯಿಸುತ್ತೇನೆಎಂದು ಹೇಳಿದರು.

  ಮೋದಿ ದೇಶದಲ್ಲಿ 15 ಶ್ರೀಮಂತ ಕುಟುಂಬಗಳ ಹಿತಾಸಕ್ತಿಯನ್ನಷ್ಟೇ ಗಮನಿಸುತ್ತಿದ್ದಾರೆ. ನೋಟು ರದ್ದತಿ ಮತ್ತು ಜಿಎಸ್‌ಟಿ ಪದ್ಧತಿಯಿಂದ ಅನೇಕ ತೊಂದರೆಗಳಾಗಿದೆ ಎಂದು ಹೇಳಿದರು.

  ರಾಜಕಾರಣವನ್ನು ಕಬಡ್ಡಿ ಕ್ರೀಡೆಗೆ ಹೋಲಿಸಿದ ಅವರು, ಮೋದಿ ಅವರು ತಮ್ಮ ಕೋಚ್‌ ಎಲ್.ಕೆ. ಅಡ್ವಾಣಿ ಅವರಿಗೆ ಕಾಲೆಳೆದರು ಎಂದು ವ್ಯಂಗ್ಯವಾಡಿದರು.

  ಹಿಮಾಚಲ ಪ್ರದೇಶದ ನಾಲ್ಕು ಲೋಕಸಭಾ ಕ್ಷೇತ್ರಗಳಲ್ಲಿ ಮೇ 19ರಂದು ಮತದಾನ ನಡೆಯಲಿದೆ.