ಗಂಭೀರ್ ಯಾವತ್ತೂ ಯಾವ ಮಹಿಳೆಯ ಬಗ್ಗೆಯೂ ಕೆಟ್ಟದಾಗಿ ಮಾತನಾಡಿಲ್ಲ - ಹರ್ಭಜನ್​ ಸಿಂಗ್​

•   Fri, May 10 2019 06:04:44 PM



• ನವದೆಹಲಿ, ಮೇ.10(Daijiworld News/SS): ಪೂರ್ವದೆಹಲಿ ಆಪ್​ ಅಭ್ಯರ್ಥಿ ಅತಿಶಿ ಸುದ್ದಿಗೋಷ್ಠಿ ನಡೆಸಿ ಬಿಜೆಪಿ ಅಭ್ಯರ್ಥಿ ಗೌತಮ್​ ಗಂಭೀರ್​ ವಿರುದ್ಧ ಆರೋಪ ಮಾಡಿದ್ದರು. ಗೌತಮ್​ ಗಂಭೀರ್​ ತನ್ನ ಬಗ್ಗೆ ಅಶ್ಲೀಲ, ಅವಹೇಳನಕಾರಿಯಾಗಿ ಬರೆದ ಕರಪತ್ರಗಳನ್ನು ಮುದ್ರಿಸಿ ವಿತರಣೆ ಮಾಡಿಸುತ್ತಿದ್ದಾರೆ. ಈ ಮೂಲಕ ನನ್ನ ತೇಜೋವಧೆ ಮಾಡುತ್ತಿದ್ದಾರೆ ಎಂದು ಸುದ್ದಿಗೋಷ್ಠಿಯಲ್ಲಿ ಅತ್ತಿದ್ದರು.

  

  ಆದರೆ ಈ ಆರೋಪವನ್ನು ಗಂಭೀರ್ ತಳ್ಳಿ ಹಾಕಿದ್ದರು. ಮಾತ್ರವಲ್ಲ, ನಾನು ಹೀಗೆಲ್ಲ ಮಾಡಿದ್ದು ಸಾಬೀತಾದರೆ ನನ್ನ ನಾಮಪತ್ರ ಹಿಂತೆಗೆದುಕೊಳ್ಳುತ್ತೇನೆ ಎಂದಿದ್ದರು. ಅಲ್ಲದೆ, ಇದೆಲ್ಲ ಆಪ್​ ಮುಖ್ಯಸ್ಥ ಅರವಿಂದ ಕೇಜ್ರಿವಾಲ್​ ಕುತಂತ್ರ ಎಂದು ಆರೋಪಿಸಿದ್ದರು.

  ಇದೀಗ ಭಾರತೀಯ ಕ್ರಿಕೆಟ್​ ತಂಡದ ಆಟಗಾರ ಹರ್ಭಜನ್​ ಸಿಂಗ್​ ಗೌತಮ್​ ಗಂಭೀರ್​ ವಿರುದ್ಧದ ಆರೋಪಕ್ಕೆ ಪ್ರತಿಕ್ರಿಯೆ ನೀಡಿದ್ದಾರೆ.

  ನಾನು ಗಂಭೀರ್​ ವಿರುದ್ಧದ ಆರೋಪ ನೋಡಿ ಶಾಕ್​ಗೆ ಒಳಗಾಗಿದ್ದೇನೆ. ನನಗೆ ಗೌತಮ್​ ಗಂಭೀರ್​ ಬಗ್ಗೆ ತುಂಬ ಚೆನ್ನಾಗಿ ಗೊತ್ತು. ಅವರು ಯಾವತ್ತೂ ಯಾವ ಮಹಿಳೆಯ ಬಗ್ಗೆಯೂ ಕೆಟ್ಟದಾಗಿ ಮಾತನಾಡಿಲ್ಲ. ಚುನಾವಣೆಯಲ್ಲಿ ಸೋಲುತ್ತಾರೋ, ಗೆಲ್ಲುತ್ತಾರೋ ಗೊತ್ತಿಲ್ಲ. ಆದರೆ, ಇಂಥ ಕೆಳಮಟ್ಟಕ್ಕೆಲ್ಲ ಇಳಿಯುವುದಿಲ್ಲ ಎಂದು ಗೆಳೆಯನ ಪರ ಟ್ವೀಟ್​ ಮಾಡಿದ್ದಾರೆ.