ಚಿಕಿತ್ಸೆ ಫಲಿಸದೆ ಬೀದಿ ನಾಯಿ ಸಾವು - ಡಾಕ್ಟರ್ ವಿರುದ್ಧ ಎಫ್​ಐಆರ್

•   Thu, May 09 2019 10:54:15 PM



• ಬೆಂಗಳೂರು, ಮೇ09(Daijiworld News/SS): ಚಿಕಿತ್ಸೆ ಫಲಿಸದೆ ಬೀದಿ ನಾಯಿಯೊಂದು ಸತ್ತ ಹಿನ್ನಲೆ ಎನ್​ಜಿಓ ಮತ್ತು ಡಾಕ್ಟರ್​ ವಿರುದ್ಧ ಬೈಯ್ಯಪ್ಪನಹಳ್ಳಿ ಪೊಲೀಸ್​ ಠಾಣೆಯಲ್ಲಿ ಎಫ್​ಐಆರ್​ ದಾಖಲಾಗಿದೆ.

  

  ವೈದ್ಯರು ಮಾಡಿರುವ ತಪ್ಪಿನಿಂದ ಜೂಲಿ ಹೆಸರಿನ ಬೀದಿ ನಾಯಿ ಮೃತಪಟ್ಟಿದೆ ಎಂದು ಸ್ಥಳೀಯರು ಬೈಯಪ್ಪನಹಳ್ಳಿ ಠಾಣೆಯಲ್ಲಿ ದೂರು ನೀಡಿದ್ದಾರೆ.

  ಸಂತಾನಹರಣ ಚಿಕಿತ್ಸೆ ಮಾಡುವುದಾಗಿ ನಾಯಿಯನ್ನು ಎನ್​​ಜಿಒ ಸಿಬ್ಬಂದಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದರು. ಚಿಕಿತ್ಸೆಯ ನಂತರ ನಾಯಿಯನ್ನು ಬೀದಿಯಲ್ಲಿಯೇ ಬಿಟ್ಟು ಹೋಗಿದ್ದರು. ಬಳಿಕ ಕೆಲವೇ ದಿನಗಳಲ್ಲಿ ನಾಯಿ ಮೃತಪಟ್ಟಿದೆ ಎಂದು ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

  ಸುಷ್ಮಾ ಎಂಟರ್ ಪ್ರೈಸಸ್ ಎಂಬ ಹೆಸರಿನ ಎನ್​​ಜಿಒ ನಾಯಿಗೆ ಸೂಕ್ತ ರೀತಿಯ ಚಿಕಿತ್ಸೆ ನೀಡಿಲ್ಲ ಮತ್ತು ವೈದ್ಯರು ಶಸ್ತ್ರ ಚಿಕಿತ್ಸೆ ಸರಿಯಾಗಿ ಮಾಡಿಲ್ಲ ಎಂದು ಸಂಸ್ಥೆಯ ಅರುಣಾ ರೆಡ್ಡಿ ಮತ್ತು ವೈದ್ಯರ ವಿರುದ್ಧ ಸ್ಥಳೀಯ ನವೇನ್​​ ಕಾಮತ್​​ ದೂರು ನೀಡಿದ್ದಾರೆ.